ក្រុម Chelsea បានបរាជ័យក្រោមថ្វីជើង Spurs ក្នុងលទ្ធផល ១-០ នាការប្រកួតពានរង្វាន់ League Cup កាលពីយប់មិញនេះ ក្នុងជើងទី១។
១គ្រាប់របស់ក្រុម Spurs ធ្វើបានសម្រេចដោយខ្សែប្រយុទ្ធ Harry Kane ដែលជាបាល់ពិន័យ១១ម៉ែត្រនៅនាទី២៦។ ខណៈដែលបាល់១គ្រាប់នេះទៀតសោត កើតឡើងដោយសារតែប្រព័ន្ធ VAR វីដេអូជំនួយអាជ្ញាកណ្ដាល។ កត្តានេះហើយ បានធ្វើឱ្យលោក Sarri ខឹងយ៉ាងខ្លាំង ត្បិតអី១គ្រាប់នេះមិនសមឱ្យបាល់ប៉េណាល់ទីនោះទេ។ ដោយលោកចាត់ទុកថា Kane ត្រង់កន្លែងនេះ បាន Offside បាត់ទៅហើយ មុនពេល Kepa ធ្វើឱ្យគេដួលនោះ។
នេះគ្រាន់តែជាជើងទី១ប៉ុណ្ណោះ ខណៈដែលពានរង្វាន់ League Cup នៅវគ្គពាក់កណ្ដាលផ្ដាច់ព្រ័ត្រនេះត្រូវលេងពីរជើងឯណោះ។ ដូច្នេះហើយ Chelsea នៅមានឱកាស៩០នាទីទៀត ដើម្បីឡើងទៅវគ្គផ្ដាច់ព្រ័ត្រ៕ប្រភពDailyMail