ក្រុមហង្សក្រហម Liverpool បានធ្លាក់ចេញពីពានរង្វាន់ FA Cup ទៅហើយ ក្រោយពីចាញ់ក្រុម Wolves ក្នុងលទ្ធផល ២-១ កាលពីយប់មិញនេះ។
Klopp ប្រហែលជាគិតថាពានរង្វាន់ FA Cup នេះ មិនមែនជាអ្វីដែលក្រុម Liverpool ត្រូវការនោះទេ ពោលគឺពួកគេចង់បាន Premier League ជាង។ ប៉ុន្តែការធ្លាក់ត្រឹមជុំទី៣នេះ ហាក់ដូចជាធ្វើឱ្យក្រុមនិងអ្នកគាំទ្រខកចិត្តដូចគ្នា។ មួយវិញទៀត កីឡាករបម្រុងដែលដាក់លេងយប់មិញ ហាក់ដូចជាមិនមានទំនុកចិត្តអ្វីឡើយ ដែលធ្វើឱ្យចាញ់ក្រុម Wolves យ៉ាងនេះ។ គេសង្កេតឃើញយប់មិញ លោក Klopp មិនបានដាក់កីឡាករឆ្នើមៗរបស់ខ្លួននោះទេ។ ដោយអាចនឹងទុកជើងឱ្យសម្រាកខ្លះ ដើម្បីត្រៀមប្រកួតបន្ដនៅ Premier League ។
ក្នុងឆ្នាំ២០១៩នេះ ក្រុម Liverpool ហាក់ដូចជាមិនកាក់កបសោះ ដោយចាញ់២ប្រកួតជាប់គ្នាទៅហើយ។ ក្នុងនោះចាញ់ក្រុម Man City ២-១ និងបន្ដចាញ់ក្រុម Wolves ២-១ ទៀតក្នុងការប្រកួតយប់មិញ៕ប្រភព៖ dailymail