PS Mojokerto Putra ក្លឹបនៅលីគលំដាប់ទី២របស់ប្រទេសឥណ្ឌូណេស៊ី ត្រូវសហព័ន្ធបាល់ទាត់ឱ្យផ្អាកការប្រកួត១រដូវកាលពេញ ក្រោយពីរកឃើញថាពួកគេបានរៀបចំលទ្ធផលទុកមុនការប្រកួត។សហព័ន្ធកីឡាបាល់ទាត់ឥណ្ឌូណេស៊ី បានចេញសេចក្ដីប្រកាសតាំងពីថ្ងៃសៅរ៍សប្ដាហ៍មុនម្ល៉េះ ទាក់ទងទៅនឹងការរៀបចំលទ្ធផលទុកមុននេះ។ ដោយសារតែរកឃើញភស្តុតាងបញ្ជាក់យ៉ាងច្បាស់នេះហើយ ទើបបានជាសហព័ន្ធសម្រេចព្យួរក្លឹបមួយនេះនៅរដូវកាលក្រោយសិន។
លើសពីនេះទៀត កីឡាករ Krisna Adi Darma ដែលលេងនៅតំបន់ប្រយុទ្ធរបស់ក្លឹបខាងលើក៏ត្រូវបានពិន័យមិនឱ្យលេងបាល់ទាត់ទៀតមួយជីវិតផងដែរ ទាក់ទងទៅនឹងរឿងខាងលើនេះ។ការរៀបចំលទ្ធផលទុកនេះដែរ ត្រូវគេចាប់បាននៅពេលក្លឹបPS Mojokerto Putra លេងទល់ក្រុមKalteng Putra ដើម្បីយកកៅអីឡើងទៅលេងនៅលីគលំដាប់ទី១កាលពីខែវិច្ឆិកាឆ្នាំ២០១៨កន្លងទៅនេះ៕ប្រភព៖ Football-Tribe