ក្រុមបាល់ទាត់ជម្រើសជាតិវៀតណាម បានក្លាយជាម្ចាស់ជើងឯកពានរង្វាន់ AFF Suzuki Cup 2018 ហើយ ក្រោយពីបានយកឈ្នះក្រុមម៉ាឡេស៊ីនៅជើងទី២ ក្នុងលទ្ធផល ១-០ (គិតទាំងពីរជើង ៣-២)។ចំពោះប្រាក់រង្វាន់ដែលទទួលបានរបស់ក្រុមជើងឯក វៀតណាម ឆ្នាំនេះវិញ គឺមានរហូតដល់៣០ម៉ឺនដុល្លារឯណោះ ដែលវាជាចំនួនមួយច្រើនមែនទែន បើធៀបជាមួយឆ្នាំមុនៗ។
ខណៈដែលជើងឯករងម៉ាឡេស៊ីវិញ បាន១០ម៉ឺនដុល្លារផងដែរ។ កីឡាករលេងល្អជាងគេវិញ បានរហូតដល់១ម៉ឺនដុល្លារផងដែរ។ ក្រុមឡើងដល់វគ្គពាក់កណ្ដាលផ្ដាច់ព្រ័ត្រ ទទួលបាន៥ម៉ឺនដុល្លារ។នេះជាលើកទី២ក្នុងប្រវត្តិសាស្ត្រវៀតណាមហើយ ដែលឈ្នះពានរង្វាន់ក្នុងតំបន់នេះ។ ខណៈដែលលើកដំបូងនោះ ពួកគេធ្វើបានសម្រេចនៅឆ្នាំ២០០៨៕
ប្រភព៖ Affsuzukicup