ក្រុមវៀតណាម លេងបានស្មើជាមួយក្រុមម្ចាស់ផ្ទះម៉ាឡេស៊ីក្នុងលទ្ធផល ២-២ នាការប្រកួតជើងទី១វគ្គផ្ដាច់ព្រ័ត្រ AFF Suzuki Cup 2018 កាលពីល្ងាចមិញនេះ។
ក្នុងការប្រកួតនេះ វៀតណាមនាំមុខក្រុមម៉ាឡេស៊ីដល់ទៅ២គ្រាប់មុនទៅហើយ ប៉ុន្តែបែរជាត្រូវរបូតគ្រាប់បាល់២គ្រាប់វិញ ធ្វើឱ្យលទ្ធផលក្នុងជើងទី១នេះ បានត្រឹមស្មើគ្នា ២-២ ប៉ុណ្ណោះ។ ជាមួយលទ្ធផលនេះដែរ លោក Park Hang Seo គ្រូបង្វឹកវៀតណាម មានសង្ឃឹមច្រើនចំពោះជើងទី២ ដើម្បីបង្កើតប្រវត្តិថ្មីលើកពានរង្វាន់ក្នុងតំបន់មួយនេះ។គ្រូបង្វឹកសញ្ជាតិកូរ៉េខាងត្បូងបាននិយាយដូច្នេះថា៖ “យើងលេងល្អនៅថ្ងៃនេះ ហើយការរបូតគ្រាប់បាល់២គ្រាប់ដោយបាល់ Set Plays នេះ គឺយើងនឹងមើលវីដេអូម្ដងទៀត ដើម្បីកែប្រែវាឡើងវិញ។
ខ្ញុំបារម្ភចំពោះសំឡេងអ្នកគាំទ្រ៨ម៉ឺននាក់នៅកីឡដ្ឋាននេះ ដែលធ្វើឱ្យកីឡាករយើងមានសម្ពាធ។ ប៉ុន្តែនៅជើងទី២ យើងលេងនៅទឹកដីយើង ក្រុងហាណូយ សង្ឃឹមវានឹងកាន់តែខ្លាំង ពិសេសជាងនេះទៅទៀត”។នៅជើងទី២ក្រុមវៀតណាម នឹងទទួលស្វាគមន៍ក្រុមភ្ញៀវម៉ាឡេស៊ី នាកីឡដ្ឋាន My Dinh ដែលផ្ទុកអ្នកគាំទ្របានជាង៤ម៉ឺននាក់ នៅថ្ងៃទី១៥ខែធ្នូឆ្នាំ ២០១៨៕ប្រភពFoxsportsasia
