Cristiano Ronaldo ចង់ឃើញខ្សែប្រយុទ្ធ Lionel Messi ចាកចេញពីក្លឹប FC Barcelona នៅអេស្ប៉ាញ មកប្រកបអាជីពនៅតាមបណ្ដាលីគដទៃទៀត ដើម្បីទទួលបានការប្រកួតប្រជែងថ្មីៗ។
កីឡាករដែលទើបផ្លាស់ពី Real Madrid ទៅចូលរួមជាមួយក្រុម Juventus នារដូវកាលនេះ បាននិយាយដូច្នេះថា៖ “ខ្ញុំនៅពេលនេះមិននឹក Messi ទេ ប៉ុន្តែគាត់ប្រហែលជានឹកខ្ញុំ។ ខ្ញុំធ្លាប់លេងនៅអង់គ្លេស អេស្ប៉ាញ និងមកដល់អ៊ីតាលីទៀតហើយ ខណៈដែលគាត់នៅតែលេងនៅអេស្ប៉ាញដដែល។ ខ្ញុំចង់ឱ្យគាត់មកលេងនៅអ៊ីតាលីម្ដង ដើម្បីទទួលបានការប្រកួតប្រជែងថ្មី ។ ខ្ញុំសង្ឃឹមថាគាត់នឹងសម្រេចចិត្តចំពោះរឿងនេះ ដើម្បីផ្លាស់ប្ដូរបទពិសោធខ្លះ”។
Messi ជាកីឡាករថ្នាលយុវជនរបស់ក្រុម FC Barcelona ហើយមិនធ្លាប់ចាកចេញទៅលេងនៅក្លឹបណាមួយឡើយ។ ជាមួយក្រុមអ្នកមានបុណ្យ ខ្សែប្រយុទ្ធអាហ្សង់ទីនខាងលើនេះឈ្នះពានរង្វាន់គ្រប់អស់ទៅហើយ ប៉ុន្តែរឿងមួយដែលរូបគេមិនធ្លាប់ធ្វើនោះ គឺចាកចេញទៅលេងនៅប្រទេសដទៃ៕ប្រភពSkysports
