Chanathip Songkrasin ឬហៅក្រៅថា Messi J របស់ថៃ បានឈ្នះពានរង្វាន់ MVP ក្នុងក្រុម Consadole Sapporo របស់ខ្លួន ដែលពានរង្វាន់នេះគឺបោះឆ្នោតដោយសមាជិកក្រុមទាំងមូលតែម្ដង។បង្ហោះនៅក្នុងបណ្ដាញសង្គម Chanathip បានអរគុណដល់មិត្តរួមក្រុមទាំងអស់ ដែលបានបោះឆ្នោតឱ្យ។ ហើយជាពិសេសនោះ គឺគ្រូបង្វឹកដែលតែងតែបង្ហាត់បង្រៀនរូបគេ និងផ្ដល់ទំនុកចិត្ត ឱកាសបានចូលលេងក្នុងការប្រកួតកន្លងមក។ កីឡាករវ័យ២៥ឆ្នាំខាងលើនេះ រំពឹងថានៅរដូវកាលក្រោយទៀត នឹងអាចជួយក្រុមបានច្រើនជាងនេះទៅទៀត។
ខ្សែបម្រើខាងលើនេះ ត្រូវបានក្លឹប Consadole ខ្ចីជើងពីក្រុម Muangthong កាលពីពាក់កណ្ដាលឆ្នាំ២០១៧កន្លងទៅ ហើយក្លាយជាកីឡាករថៃដំបូងគេបានលេងនៅលីគកំពូលជប៉ុន។ លេងបានយ៉ាងល្អនៅទីនោះ ក្លឹប Consadole ក៏សម្រេចចិត្តទិញរូបគេដាច់តែម្ដង ក្រោយផុតកុងត្រាខ្ចីជើង។ 
ដោយឆ្នាំ២០១៩ខាងមុខ រូបគេនឹងក្លាយជាកីឡាករ Consadole ជាផ្លូវការតែម្ដង៕ប្រភព៖ Foxsportsasia
