ខ្សែការពារ Marcos Alonso របស់ក្រុម Chelsea យល់ច្បាស់ថាប្រសិនបើក្រុមរបស់ខ្លួនលេងចាញ់ក្រុម Manchester City នាការប្រកួតចុងសប្ដាហ៍នេះ នោះពួកគេនឹងអស់ឱកាសប្រជែងពានរង្វាន់ហើយ។
លីគកំពូលអង់គ្លេសសប្ដាហ៍ទី១៦ខាងមុខនេះ គូពិសេសជាងគឺក្រុម Chelsea ត្រូវស្វាគមន៍ក្រុមភ្ញៀវ Man City ដែលកំពុងឈរនៅកំពូលតារាង វេលាម៉ោង១២:៣០នាទីរំលងអាធ្រាត្រ។ ក្រុម Chelsea កំពុងមានក្ដីបារម្ភច្រើនចំពោះទម្រង់លេងរបស់ខ្លួន ក្រោយពីភ្លាត់ចាញ់ក្រុម Wolves កាលពីដើមសប្ដាហ៍នេះ។
ជាមួយគ្នានេះដែរ Alonso បាននិយាយមុនប៉ះ Man City ថា៖ “បើយើងចាញ់នោះ យើងនឹងដាច់ពីក្រុមកំពូលតារាង១៣ពិន្ទុ។ ដែលចំនួននេះ គឺអាចល្មមសម្រាប់យើង មិនអាចប្រជែងពានបានឡើយនៅឆ្នាំនេះ។ យើងត្រូវតែឈ្នះការប្រកួតនេះ យើងត្រូវលេងឱ្យបានល្អបំផុតតាមដែលអាចធ្វើទៅបាន។ យើងធ្វើមិនបានល្អទេ ប្រកួតចុងក្រោយ ដែលនោះជាមេរៀនល្អសម្រាប់យើងអភិវឌ្ឍបន្ថែម”៕ប្រភពThesun
