នៅពេលដែល Ronaldo ចាកចេញពី Juventus ទៅ Manchester United នៅរដូវក្តៅឆ្នាំ ២០២១ គាត់បានអះអាងថាក្លឹបនៅតែជំពាក់ប្រាក់គាត់ចំនួន ១៩.៦លានអឺរ៉ូទាក់ទងនឹងកិច្ចព្រមព្រៀងពន្យាពេលបើកឱ្យ ដែលបានព្រមព្រៀងគ្នាអំឡុងពេលជំងឺរាតត្បាតកូវីត១៩។
ទីបំផុតរឿងក្តីនេះបានទៅដល់តុលាការ ហើយភាគីទាំងពីរត្រូវបានគេរកឃើញថាមានការទទួលខុសត្រូវចំពោះជម្លោះនេះ ដូច្នេះតុលាការបានសម្រេចថា Ronaldo គួរតែមានសិទ្ធិទទួលបានត្រឹមតែពាក់កណ្តាលនៃចំនួនទឹកប្រាក់សរុបចំនួននៃ ១៩.៦លានអឺរ៉ូប៉ុណ្ណោះ។
Juventus ដែលបានសារភាពថាមិនបានបង់ប្រាក់ឱ្យ Ronaldo បានទទួលស្គាល់សេចក្តីសម្រេចនេះ ប៉ុន្តែបានចេញសេចក្តីថ្លែងការណ៍ភ្លាមៗដោយទទូចថាពួកគេកំពុងពិនិត្យមើលសាលក្រមនេះបន្ថែមផងដែរ។
គួរំលឹកផងដែរថាក្នុងអំឡុងពេលបីឆ្នាំរបស់ Ronaldo នៅទីក្រុងតូរីន គាត់រកបាន ១០១គ្រាប់ក្នុងការបង្ហាញខ្លួនត្រឹមតែ ១៣៤ប្រកួត ដោយបានជួយក្លឹបឱ្យទទួលបានពានរង្វាន់ Serie A ចំនួនពីរមុនពេលផ្ទេរទៅ United វិញ៕