Henderson វ័យ ៣៣ឆ្នាំបានចូលរួមជាមួយក្រុម Al-Ettifaq របស់ Saudi Pro League ដោយចម្រូងចម្រាសពី Liverpool ក្នុងតម្លៃ ១២លានផោនក្នុងខែកក្កដា។ ទោះជាយ៉ាងណាក៏ដោយ គាត់ត្រូវបានគេរិះគន់យ៉ាងខ្លាំងចំពោះការផ្ទេរទៅប្រទេសមួយដែលការស្រឡាញ់ភេទដូចគ្នាគឺខុសច្បាប់ ដោយខ្សែបម្រើរូបនេះពីមុនជាអ្នកតស៊ូមតិដ៏ធំមួយសម្រាប់សិទ្ធិ LGBTQ+ អំឡុងពេលរបស់គាត់នៅ Anfield។តែមិនបានប៉ុន្មាន Henderson បានបញ្ចប់កិច្ចសន្យារបស់គាត់ហើយបានចូលរួមជាមួយ Ajax កាលពីខែមករា ដោយបានចុះហត្ថលេខាលើកិច្ចសន្យារយៈពេលពីរឆ្នាំកន្លះជាមួយនឹងក្លឹបយក្សហូឡង់។
និយាយទៅកាន់សារព័ត៌មានប្រទេសហូឡង់ Henderson ដែលរកបាន ៣៥០,០០០ផោនក្នុងមួយសប្តាហ៍នៅ Al-Ettifaq បានឆ្លុះបញ្ចាំងពីជំហររបស់គាត់នៅមជ្ឈិមបូព៌ា ហើយបានបង្ហាញថាគាត់បានសម្រេចចិត្តខុសក្នុងការទៅទីនោះ។ គាត់បាននិយាយថា៖
“លីគអារ៉ាប៊ីសាអូឌីតកំពុងអភិវឌ្ឍ ប៉ុន្តែវាមិនសមនឹងខ្ញុំទេ ខ្ញុំបានធ្វើខុសក្នុងការទៅទីនោះ។ ខ្ញុំសប្បាយចិត្តនៅទីនេះក្នុងគម្រោង Ajax។ អ្វីៗបានផ្លាស់ប្តូរយ៉ាងឆាប់រហ័សក្នុងបាល់ទាត់ ហើយខ្ញុំរីករាយក្នុងការសម្រេចចិត្តនេះក្នុងការមក Ajax។
ខ្ញុំមិនមានពាក្យអាក្រក់ចង់និយាយពីអ្នកណាទេ។ ខ្ញុំមានមិត្តនៅទីនោះ ខ្ញុំនឹងនៅតែរាប់អានពួកគេជារៀងរហូត។ខ្ញុំសោកស្ដាយដែលខ្ញុំចាកចេញពី Al-Ettifaq ភ្លាមៗ។ វាមិនមែនជាការសម្រេចចិត្តងាយស្រួលទេ ប៉ុន្តែជាការសម្រេចចិត្តមួយដែលខ្ញុំមានអារម្មណ៍ថាល្អបំផុតសម្រាប់ខ្ញុំ និងក្រុមគ្រួសាររបស់ខ្ញុំ។
ខ្ញុំចង់ឆ្លៀតឱកាសនេះដើម្បីថ្លែងអំណរគុណដល់ក្លឹប និងអ្នកគាំទ្រសម្រាប់ការគាំទ្រទាំងអស់ក្នុងអំឡុងពេលខ្ញុំនៅទីនោះ។ ខ្ញុំពិតជាមានអារម្មណ៍ស្រលាញ់តាំងពីថ្ងៃដំបូង។ ខ្ញុំនឹងបន្តមើល និងសង្ឃឹមសម្រាប់ភាពជោគជ័យរបស់អ្នក។ សូមសំណាងល្អនាថ្ងៃអនាគត”៕