Hojlund បានតស៊ូយ៉ាងលំបាកឆ្លងកាត់រយៈពេល ៦ខែដំបូងរបស់គាត់នៅ Old Trafford ប៉ុន្តែបានចាប់ផ្តើមឆ្នាំ ២០២៤ ក្នុងទម្រង់លេងដ៏គួរឲ្យកត់សម្គាល់មួយ ដោយស៊ុតបញ្ចូលទីបាន ៧គ្រាប់ក្នុងការប្រកួត Premier League ចំនួន ៦ដង មុនពេលរងរបួស។
ដោយបានឃើញ Hojlund ស្វែងយល់ពីជីវិតនៅក្នុងក្របខ័ណ្ឌ Premier League កីឡាករ Haaland របស់ Manchester City បានជំរុញឱ្យកីឡាករវ័យ ២១ឆ្នាំរូបនេះរក្សាសន្ទុះរបស់គាត់នៅពេលដែលគាត់ត្រលប់មកពីរបួស ដើម្បីបន្តបង្ហាញពីតម្លៃរបស់គាត់សម្រាប់ក្រុម Man Utd។
Haaland បានឆ្លុះបញ្ចាំងថា៖
“ការចាប់ផ្តើមដំបូងរបស់គាត់រាងពិបាកបន្តិច ប៉ុន្តែបន្ទាប់មកវាកាន់តែល្អប្រសើរជាងមុន។ នៅពេលយើងប្រកួតជាមួយគាត់ គាត់ពិតជាល្អណាស់។
គាត់ជាកីឡាករល្អ គាត់នៅក្មេងដូចខ្ញុំ គាត់ត្រូវតែបន្តអភិវឌ្ឍ ហើយក្នុងនាមជាខ្សែប្រយុទ្ធសម្រាប់ Manchester United គាត់ត្រូវតែរកគ្រាប់បាល់ឲ្យបានផងដែរ នោះគឺជាការងាររបស់គាត់”៕
