អ្នកចាត់ការក្រុម Real Madrid លោក Carlo Ancelotti បានឆ្លើយតបទៅនឹងអ្នកចាត់ការ Barcelona លោក Xavi Hernandez និងប្រធាន Joan Laporta បន្ទាប់ពីមានការអត្ថាធិប្បាយរបស់ពួកគេលើអាជ្ញាកណ្តាលនៅក្នុងប្រទេសអេស្ប៉ាញ។
បន្ទាប់ពី Real Madrid បានយកឈ្នះ Almeria ក្នុងលទ្ធផល 3-2 កាលពីថ្ងៃអាទិត្យ ពាក់ព័ន្ធនឹងបញ្ហា VAR ដ៏ចម្រូងចម្រាសជាច្រើន Xavi បានប្រាប់សារព័ត៌មានថា៖
“អ្នកទាំងអស់គ្នាបានឃើញអ្វីដែលបានកើតឡើង យេីងនឹងពិបាកក្នុងការឈ្នះលីគនេះ។”
ទន្ទឹមនឹងនេះ Laporta បាននិយាយនៅពេលក្រោយក្នុងសប្តាហ៍នេះ ហើយកាន់តែខ្លាំងឡើងដោយប្រកាសថា៖
“La Liga ត្រូវបានក្បត់ ហើយ VAR ត្រូវបានគេចាប់ធ្វើជាចំណាប់ខ្មាំង។”
លោក Ancelotti បានឆ្លេីយតបលេីការលេីកឡេីងនេះថា៖
“សប្តាហ៍នេះ ពួកគេបាននិយាយច្រើនណាស់។ ខ្ញុំគិតដូចអ្វីដែលខ្ញុំបាននិយាយកន្លងមក ខ្ញុំមិនចូលចិត្តចូលក្នុងរឿងបែបនេះទេ។ យើងមិនចាំបាច់បង្វែរអារម្មណ៍ពីបញ្ហាសំខាន់នោះទេ។
អ្នករាល់គ្នាដឹងពីអ្វីដែលបានកើតឡើងក្នុងរយៈពេល ២៣ឆ្នាំចុងក្រោយនៅក្នុងបាល់ទាត់អេស្ប៉ាញ នេះគឺជាបញ្ហា។ លីគមិនបានក្បត់ទេ បាល់ទាត់អេស្ប៉ាញទេីបមានបញ្ហា។
ឥឡូវនេះ ការិយាល័យព្រះរាជអាជ្ញាប្រឆាំងអំពើពុករលួយ និងប៉ូលិសកំពុងធ្វើការស៊ើបអង្កេត ហើយឥឡូវយើងរង់ចាំ។ យើងមិនត្រូវរំខានពីបញ្ហាសំខាន់នោះទេ”៕