កំណែទម្រង់ថ្មីរបស់ PES បានដាក់បញ្ចូលនៅក្រុមបាល់ទាត់ប្រទេសថៃ ក្នុងនោះដែរ ក្រោយពីមើលឃើញថាពួកគេលេងបានល្អនិងមានកីឡាករច្រើននាក់លេងនៅក្រៅប្រទេស។
ការដាក់បញ្ចូលនេះ គឺបានបញ្ជាក់ថា ថៃជាប្រទេសមុនគេដែលត្រូវបាន PES ដាក់ឈ្មោះចូលក្នុងទម្រង់ថ្មីរបស់ខ្លួនក្នុងតំបន់អាស៊ាន។ គេសង្កេតឃើញថាកីឡាករសំខាន់ៗជាច្រើនដូចជា Teerasil Dangda, Chanathip Songkrasin, Theerathon Bunmanthan និងអ្នកចាំទី Kawin Thamsatchanan សុទ្ធតែត្រូវបានដាក់ឈ្មោះ និង Rate ខ្ពស់ជាងគេនៅក្នុងក្រុមថៃនេះ។
កីឡាករសំខាន់ទាំង៤នាក់ខាងលើនេះ មិនមានវត្តមានឱ្យក្រុមថៃឡើយ ក្នុងការប្រកួតពានរង្វាន់ AFF Suzuki Cup 2018 នេះ។ ត្បិតអីពានរង្វាន់នេះ លេងមិនចំថ្ងៃ FIFA Day ។ ខណៈដែលការប្រកួត AFC Asian Cup 2019 សហព័ន្ធបាល់ទាត់ថៃក៏មិនទាន់ប្រាកដនៅឡើយដែរ ព្រោះការប្រកួតលេងនៅខែមករាឆ្នាំ២០១៩ឯណោះ៕