អ្នកចាត់ការក្លឹប Barcelona លោក Xavi បានសុំទោសអ្នកគាំទ្រ បន្ទាប់ពីក្រុមរបស់គាត់ធ្វេីមិនបានល្អ និងត្រូវបានក្រុម Real Madrid បំបាក់យ៉ាងចាស់ដៃក្នុងវគ្គផ្តាច់ព្រ័ត្រ Supercopa de Espana កាលពីថ្ងៃអាទិត្យ។
Xavi មានទំនុកចិត្តមុនពេលប្រកួត ប៉ុន្តែនៅពេលដែលការប្រកួតត្រូវបានបញ្ចប់ គាត់ត្រូវបង្ខំចិត្តឱ្យផ្លាស់ប្តូរពាក្យសម្តីរបស់គាត់។
Xavi បាននិយាយថា៖
“យើងមានក្តីសង្ឃឹម និងភាពរីករាយជាច្រើន ប៉ុន្តែយើងទទួលបានការប្រកួតដ៏អាក្រក់បំផុត។
យើងចាប់ផ្តើមយ៉ាងអាក្រក់ យើងអាចដណ្តើមបានមួយគ្រាប់មកវិញ ប៉ុន្តែគ្រាប់បាល់នៅពេល 3-1 ធ្វើឱ្យយើងពិបាក។
Madrid បានធ្វើឲ្យយើងខូចបាល់ជាច្រើននៅលើទីលាន យើងមិនបានបញ្ឈប់ការប្រកួតទាំងនោះទេ ហើយឥឡូវនេះយើងត្រូវរស់នៅផ្នែកដ៏ជូរចត់នៃបាល់ទាត់។ ប៉ុន្តែខ្ញុំបានជួបប្រទះការបរាជ័យជាច្រើនក្នុងអាជីពរបស់ខ្ញុំ ហើយនៅទីបញ្ចប់យើងបានជាសះស្បើយ Barca នឹងវិលមកវិញ។
វាជាការបរាជ័យដ៏អាក្រក់ យើងខឹង។ យើងបានលេងការប្រកួតដ៏អាក្រក់បំផុតមួយក្នុងរដូវកាលនេះ។ យើងត្រូវតែកែលម្អច្រើនដើម្បីឈ្នះពាន។ យើងត្រូវតែសុំទោសចំពោះអ្នកគាំទ្រ Barcelona។ នេះមិនមែនជារូបភាពរបស់ Barca ក្នុងការប្រកួតវគ្គផ្តាច់ព្រ័ត្រនោះទេ ហើយតិចណាស់រូបភាពបែបនេះ ពេលប៉ះ Madrid”៕
ប្រភព៖ បរទេស