អតីតខ្សែប្រយុទ្ធក្រុម Chelsea កីឡាករ Timo Werner ជឿជាក់ថាគាត់អាចជះឥទ្ធិពលដ៏ធំមួយក្រោមការដឹកនាំរបស់ Ange Postecoglou នៅ Tottenham ដោយមិនចាំបាច់ជាកីឡាករសំខាន់ស៊ុតបញ្ចូលទីនោះទេ។ខ្សែប្រយុទ្ធ Leipzig រូបនេះបានបរាជ័យក្នុងការផ្ទេររបៀបស៊ុតបញ្ចូលទីពីអាល្លឺម៉ង់ចូលទៅក្នុងក្របខ័ណ្ឌ Premier League ហើយបានត្រលប់ទៅអតីតក្លឹបរបស់គាត់វិញក្នុងតម្លៃត្រឹមតែ 25 លានផោនបន្ទាប់ពីពីររដូវកាលនៅភាគខាងលិចទីក្រុងឡុងដ៍។
កីឡាករវ័យ 27 ឆ្នាំបានត្រលប់មកលេងបាល់ទាត់អង់គ្លេសវិញបន្ទាប់ពីចូលរួមជាមួយ Spurs ក្នុងលក្ខខ័ណ្ឌខ្ចីជើង។ ជាមួយ Son Heung-min ទៅលេងនៅ Asian Cup និងបានបញ្ជូនបាល់ក្នុងការបង្ហាញខ្លួនលើកដំបូងរបស់គាត់ក្នុងលទ្ធផលស្មើ 2-2 នៅ Manchester United កាលពីថ្ងៃអាទិត្យ។Werner ដែលខ្ចីជើងរយៈពេលប្រាំមួយខែរួមទាំងជម្រើសក្នុងការធ្វើកិច្ចសន្យាជាអចិន្ត្រៃយ៍បាននិយាយថា៖
“យើងចង់ឈ្នះបីពិន្ទុ ទោះនោះជារឿងមិនល្អខ្លាំងក្តី ប៉ុន្តែយើងបានធ្វើការប្រកួតដ៏ល្អមួយ។មនុស្សជាច្រើនចង់ឃើញខ្ញុំស៊ុតបញ្ចូលទីច្រើនជាង ប៉ុន្តែនៅ Spurs ជាមួយនឹងយុទ្ធសាស្ត្រដែលយើងមាន និងរបៀបដែលអ្នកចាត់ការចង់ឱ្យខ្ញុំលេង ខ្ញុំអាចជួយក្រុមបានច្រើន ជាមួយនឹងការ Assist របស់ខ្ញុំផងដែរ ហើយប្រហែលជា ដោយមិនមែនជាកីឡាករសំខាន់ដែលរកគ្រាប់បាល់នោះទេ”៕