អ្នកចាត់ការ Pep Guardiola បាននិយាយថា Erling Haaland នៅតែអវត្តមាន ប៉ុន្តែ Kevin De Bruyne បានត្រៀមខ្លួនរួចរាល់ហើយដើម្បីចាប់ផ្តើមសម្រាប់ Manchester City ទល់នឹង Newcastle នៅថ្ងៃសៅរ៍។
ខ្សែប្រយុទ្ធ Erling Haaland នៅតែមានបញ្ហាដោយរបួសជើងដែលបានធ្វើឱ្យគេអវត្តមានតាំងពីដើមខែធ្នូ។ ទោះជាយ៉ាងណាក៏ដោយ ម្ចាស់ជើងឯក Premier League ត្រូវបានជំរុញដោយការរីកចំរើនចំពោះបញ្ហារបួសរបស់ De Bruyne បន្ទាប់ពីការត្រលប់មកវិញរបស់ Playmaker ក្រោយពីការសម្រាក អស់រយៈពេលយូរ ដោយចូលមកលេងក្នុងនាមជាកីឡាករជំនួសក្នុងតង់ទីពីរក្នុងជ័យជម្នះ FA Cup លើ Huddersfield កាលពីចុងសប្តាហ៍មុន។
Man City ក៏រំពឹងថាខ្សែបម្រើ Jack Grealish នឹងមានវត្តមានបន្ទាប់ពីមានជំងឺ ប៉ុន្តែខ្សែការពារ John Stones មិនទាន់ត្រៀមខ្លួនរួចរាល់ក្នុងការវិលត្រឡប់ ពីរបួសកជើងនោះទេ។
លោក Guardiola អ្នកចាត់ការទូទៅរបស់ City បាននិយាយនៅក្នុងសន្និសីទសារព័ត៌មានថា៖
“Jack បានឈឺហើយ។ សង្ឃឹមថាថ្ងៃនេះគាត់ត្រឡប់មកវិញ។ Erling អវត្តមាន ហើយ John ក៏អវត្តមានដែរ”៕
ប្រភព៖ បរទេស