កីឡាករវ័យ ២៣ ឆ្នាំ Jadon Sancho បានចាកចេញពីក្រុម Bundesliga ទៅកាន់ Old Trafford នៅឆ្នាំ ២០២១ ដោយបានចូលរួមនៅក្នុងកិច្ចព្រមព្រៀង តម្លៃ ៧៣ លានផោនបន្ទាប់ពីការស្វែងរកកីឡាករសញ្ជាតិអង់គ្លេសអស់រយៈពេលជាយូរ។
ប៉ុន្តែ Sancho បានតស៊ូដើម្បីរស់នៅជាមួយ Erik ten Hag ដែលគាត់បានចោទប្រកាន់ថាបំភ្លើសការពិតនៅពេលដែលបាននិយាយថាគាត់មិនបានឈាន ដល់កម្រិតដែលត្រូវការដើម្បីអាចឱ្យចូលរួមទល់នឹងក្រុម Arsenal។
ក្រោយពីបដិសេធមិនព្រមសុំទោសគ្រូបង្វឹកសញ្ជាតិហូឡង់ជាសាធារណៈ Sancho ទទួលរងពិន័យមិនអោយចូលហ្វឹកហាត់ជាមួយក្រុមដំបូងនៅ Carrington ហើយដកឈ្មោះ មិនឲ្យចូលរួមប្រកួតអស់រយៈពេលជាច្រើនខែ។
ថ្មីៗនេះ អតីតក្លឹបរបស់ Sancho នៅលីគអាឡឺម៉ង់ Borussia Dortmund បានព្រមព្រៀងក្នុងកិច្ចសន្យាខ្ចីជើងពីបិសាចក្រហម Manchester United ខណៈ ការផ្ទេរបានចប់រួចរាល់ ហើយ លោក Ten Hag ក៏បានជូនពរ Sancho ដូច្នេះថា៖
“ខ្ញុំសង្ឃឹមថាគាត់ធ្វើបានល្អ ដូច្នេះខ្ញុំសូមជូនពរគាត់ឱ្យជួបតែសំណាងល្អ។ ខ្ញុំសង្ឃឹមថាគាត់ធ្វើបានល្អ ហើយគាត់នឹងទទួលបានជោគជ័យ”៕
ប្រភព៖ បរទេស