Erling Haaland បានផ្តល់ឱ្យ Manchester City នូវការជំរុញដ៏សំខាន់មួយនៅពេលដែលគាត់បានត្រលប់មកហ្វឹកហាត់វិញកាលពីដើមសប្តាហ៍នេះ។Haaland ដែលស៊ុតបញ្ចូលទីបាន 19 គ្រាប់ក្នុងការប្រកួតទាំងអស់នៅរដូវកាលនេះ បាននៅក្រៅទីលានដោយសាររបួសជើង ហើយបានជះឥទ្ធិពលដល់ Man City ចាប់តាំងពីពួកគេចាញ់ 1-0 នៅក្រៅដីក្រុម Aston Villa កាលពីថ្ងៃទី 6 ខែធ្នូ។
កីឡាករសញ្ជាតិន័រវេសបានហ្វឹកហាត់ជាមួយក្រុម Man City មុនការប្រកួត FA Cup ជុំទីបីរបស់ពួកគេជាមួយនឹងក្រុម Huddersfield Town នៅកីឡដ្ឋាន Etihad នៅថ្ងៃអាទិត្យ។
Guardiola និយាយពី Haaland៖
“Erling គឺប្រសើរជាងមុនបន្តិច ដូច្នេះយើងត្រូវប្រុងប្រយ័ត្ន គាត់ហាត់បានពីរ ឬបីវគ្គហេីយ គាត់មានអារម្មណ៍ល្អ។សង្ឃឹមថា ពួកគេនឹងអាចលេងក្នុងពេលឆាប់ៗនេះ ប៉ុន្តែខ្ញុំមិនដឹងច្បាស់ថាអាចលេងបាននៅថ្ងៃអាទិត្យ ឬពេលប៉ះ Newcastle នោះទេ ប៉ុន្តែសម្រាប់អ្វីដែលនៅសល់ ពួកគេនឹងត្រៀមខ្លួនរួចរាល់ហើយ”៕
ប្រភព៖ បរទេស