ក្រុមតោខៀវ Chelsea បានចាញ់ក្រុមម្ចាស់ផ្ទះ Spurs ក្នុងលទ្ធផល ៣-១ នាការប្រកួតក្របខណ្ឌ English Premier League កាលពីយប់មិញ។លោក Sarri អ្នកចាត់ការក្រុម Chelsea បាននិយាយក្រោយចប់ការប្រកួតថា៖ “ខ្ញុំអស់សង្ឈឹម ព្រោះយើងលេងមិនល្អសោះ។ ខ្ញុំគិតថាយើងកំពុងដើរទៅរកផ្លូវមិនល្អហើយ ទាំងកម្លាំងកាយ កម្លាំងចិត្ត បច្ចេកទេស និងតាក់តិច។ ខ្ញុំដឹងថាយើងកំពុងមានបញ្ហាក្រោយពីឃើញការប្រកួតនេះ ដោយបញ្ហានោះគឺកើតចេញពីអ្នកគ្រប់គ្នាតែម្ដង។
២ ទៅ៣ប្រកួតចុងក្រោយ យើងចាប់ផ្ដើមមានបញ្ហា។ ខ្ញុំមិនពេញចិត្តកីឡាករទាំងអស់ក្នុងក្រុម ចំពោះទម្រង់លេងរបស់គេថ្ងៃនេះ”។Chelsea ដែលជាក្រុមប្រជែងពានលីគកំពូលអង់គ្លេស កំពុងតែដាច់ពិន្ទុក្រុមកំពូលតារាង Man City ហើយ។ ដោយគិតត្រឹម១៣ប្រកួតនេះ Man City មានដល់៣៥ពិន្ទុ ខណៈដែល Chelsea វិញ មានត្រឹមតែ២៨ពិន្ទុប៉ុណ្ណោះ៕
ប្រភព៖ DailyMail