Premier League កំពុងតែធ្វើកំណែច្បាប់ឡើងវិញទាក់ទងទៅនឹងការទិញដូរកីឡាករ។ ដោយពួកគេចង់កាត់ចំនួនកីឡាករបរទេសពី ១៧នាក់មកនៅត្រឹម១២នាក់វិញក្នុង១ក្រុម។
មិនត្រឹមតែប៉ុណ្ណឹងទេ Premier League ក៏ចង់បញ្ចប់ច្បាប់ហាមទិញដូរកីឡាករក្រៅពីអឺរ៉ុប ពីបណ្ដាប្រទេសមាន Ranking ក្រោម៥០ផងដែរ។ ប្រសិនបើវាពិតជាកើតមានឡើងមែន នោះឱកាសសម្រាប់កីឡាករនៅតាមបណ្ដាប្រទេសផ្សេងៗ ដែលមាន Ranking មិនល្អនោះ អាចនឹងទទួលបានឱកាសលេងនៅ Premier League ជាក់ជាមិនខាន។
ដោយក្នុងនោះកីឡាករឆ្នើមៗនៅតំបន់អាស៊ាន ប្រាកដជាមានឱកាសបានទទួលបទពិសោធពីបណ្ដាក្រុមនៅ Premier League ។ តួយ៉ាងដូចជាពេលបច្ចុប្បន្ននេះ អ្នកចាំទីហ្វីលីពីនឈ្មោះថា Neil Etheridge ដែលកើតនៅអង់គ្លេសនោះ ក៏កំពុងតែប្រកបអាជីពនៅក្លឹប Cardiff City ស្រាប់ទៅហើយដែរ៕
