Kylian Mbappe ត្រូវបានគេរាយការណ៍ថាមានបញ្ហាជាមួយអ្នកចាត់ការក្លឹប Paris Saint-Germain លោក Luis Enrique ដែលបណ្តាលមកពីរដូវក្តៅ នៃភាពមិនច្បាស់លាស់អំពីអនាគតរបស់គាត់នៅក្លឹប។El Nacional រាយការណ៍ថាទំនាក់ទំនងរបស់ Mbappe និង Enrique បានធ្លាក់ចុះ។ គ្រូបង្វឹកថ្មីរបស់ក្លឹប PSG បានដកតារាឆ្នើមសញ្ជាតិបារាំងចេញ ពីក្រុមដំបូងក្នុងអំឡុងពេលប្រកួតមុនបើករដូវកាល បន្ទាប់ពីគាត់បានបដិសេធមិនបន្តអនាគតរបស់គាត់ជាមួយក្លឹបលើសពីឆ្នាំ ២០២៤។ កីឡាករវ័យ ២៤ ឆ្នាំរូបនេះក៏ត្រូវបានបើកផ្លូវសម្រាប់ការផ្ទេរផងដែរ ចំពេលមានការទទូចរបស់គាត់មិនចង់បន្តស្នាក់នៅជាមួយម្ចាស់ជើងឯក Ligue 1។ទោះជាយ៉ាងណាក៏ដោយ Mbappe បានពិភាក្សាជាវិជ្ជមានជាមួយ PSG នៅចុងបញ្ចប់នៃទីផ្សារដោះដូរកីឡាកររដូវក្តៅ។ គាត់នៅជាមួយក្រុមរបស់លោក Enrique ហើយត្រូវបានបញ្ចូលទៅក្នុងក្រុមដំបូងវិញ ប៉ុន្តែនៅតែមិនសប្បាយចិត្តនឹងការចាត់ចែងរបស់គ្រូបង្វឹករបស់គាត់ក្នុងស្ថានភាពនេះ។

ក្រុម PSG បានចាប់ផ្តើមរដូវកាលថ្មីដោយខកចិត្ត ដោយឈ្នះ ២ ស្មើ ២ និងចាញ់ ១ ដងក្នុង ៥ ប្រកួត។ ពួកគេបានរងបរាជ័យយ៉ាងភ្ញាក់ផ្អើលក្នុងលទ្ធផល ៣-២ ក្រោមស្នាដៃក្រុម OGC Nice កាលពីថ្ងៃសុក្រ នៅកីឡដ្ឋាន Parc des Princes។ ពួកគេឈរនៅ ៨ ពិន្ទុពីការប្រកួតចំនួន ៥ ដែលជាពិន្ទុដ៏អាក្រក់បំផុត របស់ពួកគេនៅក្នុងការប្រកួតជាច្រើនចាប់តាំងពីយុទ្ធនាការ ២០១០-១១ មុនពេលការកាន់កាប់ដោយប្រទេសកាតា។Kylian Mbappe រកបានពីរគ្រាប់សម្រាប់ម្ចាស់ផ្ទះ ប៉ុន្តែក្រុមរបស់លោក Enrique បានរងបរាជ័យជាលើកដំបូងរបស់ពួកគេក្នុងរដូវកាលនេះ។ ប្រធាន​ក្រុម​ជម្រើស​ជាតិ​បារាំង​ត្រូវ​បាន​គេ​មើល​ឃើញ​ថា​ជា​អ្នក​ដឹក​នាំក្នុង​បន្ទប់​ផ្លាស់​សំលៀកបំពាក់ ហើយ​ទំនាក់ទំនង​របស់​គាត់​ជាមួយ​អ្នក​ចាត់​ការ​មិន​ទាន់​ឈាន​ដល់​ចំណុច​វិជ្ជមាន​ទេ៕