ច្បាប់ និងទម្លាប់ក្នុងផ្ទះគួរឱ្យចាប់អារម្មណ៍របស់ Lionel Messi ត្រូវបានបង្ហាញនៅក្នុងបទសម្ភាសន៍ថ្មីមួយ។
ទោះបីគាត់ជាតារាដ៏ឆ្នើមបំផុតក្នុងពិភពលោកក៏ដោយ ប៉ុន្តែ Messi ភាគច្រើនខ្មាស់អៀន ហើយយើងមិនដឹងច្រើនអំពីជីវិតឯកជនរបស់គាត់នោះទេ ក្រៅពីដឹងត្រឹមថាគាត់ជាបុរសស្រលាញ់គ្រួសារ និងសុភាពរាបសា។
ប៉ុន្តែម្ចាស់ជ័យលាភី Ballon d’Or ប្រាំពីរសម័យរូបនេះ បានផ្តល់ការយល់ដឹងអំពីចំណង់ចំណូលចិត្ត សត្វចិញ្ចឹម និងវិធីធ្វើជាក់លាក់របស់គាត់។
ប្រធានក្រុម Inter Miami និងអាហ្សង់ទីនបានពិភាក្សាអំពីទម្លាប់របស់គាត់ក្នុងការជជែកជាមួយ TN30 ដោយចាប់ផ្តើមជាមួយអាហារលក្ខណៈគ្រួសារ នៅលើតុ។
យោងតាម Essentially Sports កីឡាករ Messi បាននិយាយថា៖
“មុនពេលចូលគេង ខ្ញុំរៀបចំតុទាំងមូលឲ្យរួចរាល់សម្រាប់ថ្ងៃបន្ទាប់។ អាហារពេលព្រឹក… គ្រប់គ្នាអង្គុយនៅកន្លែងរបស់ពួកគេ តែងតែអង្គុយនៅកន្លែងដដែល គ្រប់គ្នាមានតុរៀងៗខ្លួន កូនៗ Antonela និងខ្ញុំ។
ខ្ញុំសាមញ្ញណាស់នៅពេលនិយាយអំពីអាហារ: Asado, Milanesa, Pasta, សូកូឡា, Dulce de Leche, ការ៉េម … ខ្ញុំចូលចិត្តអ្វីគ្រប់យ៉ាងដែលមានរសជាតិផ្អែម ខ្ញុំចូលចិត្តវា។”
គាត់ត្រូវបានគេដឹងថាចូលចិត្ត ‘Mate’ ដែលជាភេសជ្ជៈប្រពៃណីរបស់អាមេរិកខាងត្បូង ដែលកីឡាករបាល់ទាត់ជាច្រើនបានទទួលទានមុន និងក្រោយការប្រកួត៕