• Arsenal ​សម្រេច​យក Emery ​មក​ដឹក​នាំ​រដូវ​កាល​ក្រោយ ​ចោល Arteta

    ក្លឹប Arsenal ​បាន​ប្រកាស​ថា​ពួកគេ​នឹង​តែងតាំង​លោក Unai Emery ​អតីត​អ្នក​ចាត់ការ​ក្រុម PSG ​មក​ដឹក​នាំ​ក្រុម​នៅ​រដូវ​កាល​ក្រោយ ​ជំនួស​តំណែង​លោក Arsene Wenger ​ដែល​បាន​ចាកចេញ​ទៅ។

    ដំបូង​ឡើយ Arsenal ​ត្រៀម​នឹង​តែងតាំង​អតីត​កីឡាករ​របស់​ខ្លួន Mikel Arteta ​ធ្វើ​ជា​អ្នក​ចាត់ការ​ទៅ​ហើយ ប៉ុន្តែ​ដោយសារ​តែ​មាន​បញ្ហា​តិចតួច​នៅ​វិនាទី​ចុង​ក្រោយ ទើប​មិន​អាច​សម្រេច​បាន។ ដូច្នេះ​ហើយ ​ក្រុម​កាំភ្លើង​ធំ​មាន​តែ​យក​ជម្រើស​ទី​២​របស់​ខ្លួន គឺ​លោក Emery ដែល​ទើប​តែ​ចប់​កុងត្រា​ជាមួយ​ក្រុម PSG ។

    ប្រធាន​ក្លឹប Arsenal ​ទើប​តែ​ទាក់ទង​ទៅ ​អតីត​អ្នក​ចាត់ការ​ក្រុម Sevilla ​រូប​នេះ​កាល​ពី​យប់​ថ្ងៃ​ចន្ទ ​ហើយ​ក៏​សម្រេច​ភ្លាម​ៗ​តែ​ម្ដង។ នៅ​មិន​ទាន់​ច្បាស់​ពី​រយៈ​ពេល​កុងត្រា​នៅ​ឡើយ​ទេ ប៉ុន្តែ​ការ​ចូល​មក​ដឹក​នាំ​គឺ​ផ្លូវការ​ទៅ​ហើយ។

    បុរស​អេស្ប៉ាញ​ខាង​លើ​នេះ  បាន​ចាកចេញ​ពី​ក្រុម PSG ​ក្រោយ​ពី​ដឹក​នាំ​ក្រុម​នេះ​ឈ្នះ​ពាន​៥​ក្នុង​រយៈពេល​៣​រដូវ​កាល។ ដោយ​ឡែក​កាល​ដឹក​នាំ Sevilla ​វិញ ​លោក​បាន​នាំ​ក្រុម​នេះ​លើក​ពាន UEFA Europa League ​៣​រដូវ​កាល​ជាប់​គ្នា​ឯ​ណោះ៕ប្រភព៖ DailyMail

    ភ្ជាប់ទំនាក់ទំនងជាមួយ CTS SPORT