Roberto Firmino បានប្រគល់ប្រអប់អំណោយផ្ទាល់ខ្លួនចំនួន ២០០ប្រអប់នៅមុនពេលការប្រកួតចុងក្រោយរបស់គាត់សម្រាប់ក្រុម Liverpool។Firmino នឹងចាកចេញពីហង្សក្រហមក្រោយរយៈពេលប្រាំបីឆ្នាំដ៏អស្ចារ្យជាមួយនឹងកុងត្រារបស់គាត់នៅថ្ងៃទី៣០ ខែមិថុនា។ ក្នុងការបង្ហាញខ្លួនចុងក្រោយរបស់គាត់នៅ Anfield កីឡាករប្រេស៊ីលបានចេញពីកៅអីដើម្បីរកគ្រាប់បាល់តាមស្មើទល់នឹង Aston Villa កាលពីថ្ងៃសៅរ៍។
បន្ទាប់មកគាត់បានប្រែក្លាយទៅជាសោកសៅរំជើបរំជួលមួយ បន្ទាប់ពីនោះគាត់បានស្រក់ទឹកភ្នែកនៅពេលលឺសំឡេងផ្លុំកញ្ចែចុងក្រោយ ខណៈដែលអ្នកគាំទ្រ Liverpool បានស្រែកលាគាត់។ យោងតាមអ្នកកាសែត Sky Sports Germany លោក Florian Plettenberg កីឡាករវ័យ ៣១ឆ្នាំរូបនេះបានផ្តល់អោយមិត្តរួមក្រុម បុគ្គលិក មិត្តភក្តិ និងក្រុមគ្រួសារនូវប្រអប់មួយដើម្បីថ្លែងអំណរគុណដល់ពួកគេសម្រាប់តួនាទីដែលពួកគេក្នុងពេលដែលគាត់លេងនៅក្លឹប។
ប្រអប់ដែលមានស្នាដៃសិល្បៈដើម្បីបង្ហាញពីការលើកពានរបស់ Firmino ជាមួយ Merseyside មានអាវ Liverpool ដែលចុះហត្ថលេខា និងទឹកអប់ផ្ទាល់ខ្លួនរបស់កីឡាករ។
ប្រភព៖ បរទេស