ក្រុម Spurs បានចែកផ្លូវជាមួយលោក Antonio Conte ហើយ និងកំពុងស្វែងរកអ្នកចាត់ការថ្មីមកដឹកនាំក្រុមបន្ដផងដែរ ដើម្បីធ្វើយ៉ាងណាមានឱកាសបានចូល Top4 នៅ Premier League។
ជាមួយការចាកចេញនេះដែរ ក្រុម Spurs ក៏កំពុងទាក់ទងដើម្បីស្វែងរកអ្នកចាត់ការថ្មីមកដឹកនាំក្រុមផងដែរ។ នាពេលបច្ចុប្បន្ននេះ អ្នកចាត់ការល្បីឈ្មោះជាច្រើនកំពុងនៅទំនេរស្រាប់មានដូចជាលោក Julian Nagelsmann , Mauricio Pochettino និង Luis Enrique ជាដើម។ ជាមួយគ្នានោះ អ្នកគាំទ្ររបស់ក្រុមមាន់ខ្នាយមាស ចង់ឃើញក្លឹបយកលោក Nagelsmann ជាងគេ ត្បិតអីលោកនៅក្មេង និងមានសមត្ថភាពល្អក្នុងការដឹកនាំក្រុម។
រំលឹកដែរថានៅត្រឹម៤ឆ្នាំចុងក្រោយនេះ ក្រុម Spurs បានដកអ្នកចាត់ការរហូតដល់ទៅ៤នាក់ទៅហើយ។ ក្លឹបមួយនេះ នៅមិនទាន់រកបានអ្នកចាត់ការណាម្នាក់ដែលសក្ដិសមនិងដឹកនាំឱ្យបានយូរនៅឡើយទេ ដោយសារតែថ្នាក់ដឹកនាំក្លឹបមានមហិច្ឆតាធំដែរ ពោលគឺចង់បានគ្រូបង្វឹកម្នាក់ដែលមានសមត្ថភាពក្នុងការជួយឱ្យឈ្នះពានបាន៕