ខ្សែការពារ Reece James ត្រូវដកខ្លួនចេញពីក្រុមជម្រើសជាតិអង់គ្លេសម្នាក់ទៀតហើយ ក្រោយពីបានរងរបួសក្រោយពីប្រកួតចប់ជាមួយក្រុមអ៊ីតាលីកាលពីពេលកន្លងទៅ។
ក្រុមជម្រើសជាតិអង់គ្លេស នឹងត្រូវប្រកួតជាមួយក្រុមអ៊ុយក្រែននៅរាត្រីនេះហើយ។ ខណៈដែលការប្រកួតនេះដែរ អង់គ្លេសនៅសល់សមាជិកត្រឹម២១នាក់ប៉ុណ្ណោះ ក្រោយពីកីឡាករបានរងរបួសបន្ដបន្ទាប់។ ជាក់ស្ដែង James បានរងរបួសកាលពីប្រកួតទល់អ៊ីតាលីនឹងត្រូវអវត្តមានប្រកួតនេះ។ Luke Shaw វិញក៏មិនអាចជួយក្រុមបានដែរ ក្រោយពីទទួលបានកាតក្រហមក្នុងប្រកួតទល់អ៊ីតាលីដូចគ្នា។
តែទោះជាយ៉ាងនេះក្ដី លោក Gareth Southgate បានអះអាងថាលោកនឹងមិនកោះហៅកីឡាករថ្មីមកចូលរួមទៀតនោះទេ។ សមាជិក២១នាក់ដែលនៅសល់អាចគ្រប់គ្រាន់សម្រាប់អង់គ្លេស ក្នុងការប្រកួតទល់ក្រុមអ៊ុយក្រែនហើយ ព្រោះ Jordan Henderson, Jude Bellingham និង Kalvin Phillips សុទ្ធតែអាចចូលលេងបាននៅរាត្រីនេះ៕