ក្លឹប Bayern Munich ដាក់គោលដៅសម្រាប់លោក Thomas Tuchel ត្រូវធ្វើយ៉ាងណាជួយក្លឹបឱ្យឈ្នះពានរង្វាន់ Bundesliga ឱ្យបាននារដូវកាលនេះ។
រំលឹកថាកាលពីម្សិលមិញនេះ ក្លឹប Bayern Munich បានធ្វើការប្រកាសភ្លាមៗតែម្ដង ក្នុងការដកលោក Julian Nagelsmann ចេញពីតំណែងគ្រូបង្វឹកក្លឹប។ ហើយក្នុងសេចក្ដីប្រកាសនោះដែរ ក៏បានបញ្ជាក់ពីការតែងតាំងលោក Thomas Tuchel មកជំនួសកន្លែងនេះដែរ។ លោក Tuchel នេះ ជាអតីតគ្រូបង្វឹក Dortmund និងធ្លាប់ជួយ Chelsea ឈ្នះពាន UEFA Champions League ថែមទៀតនៅឆ្នាំ២០២១កន្លងទៅ។
ស្របពេលការចូលកាន់តំណែងរបស់លោក Tuchel នេះដែរ ក្លឹបបានដាក់គោលដៅធ្វើយ៉ាងណាឱ្យឈ្នះពានរង្វាន់លីគកំពូលអាល្លឺម៉ង់ឱ្យបាន។ ខណៈដែលបច្ចុប្បន្ននេះ Bayern Munich នៅលេខ២ និង Dortmund នៅលេខ១។ គម្លាតពិន្ទុរវាងក្រុមទាំងពីរគឺត្រឹម១ពិន្ទុប៉ុណ្ណោះ។ ការប្រកួតក្នុងលីគវិញ នៅសល់ត្រឹម៩ប្រកួតទៀត៕