ក្រុមបាល់ទាត់ជម្រើសជាតិបារាំង បានយកឈ្នះលើក្រុមហុល្លង់ក្នុងលទ្ធផល ៤-០ ក្នុងការប្រកួត Euro 2024 qualifying កាលពីយប់មិញនេះ។
នេះជាការប្រកួតដំបូងរបស់ក្រុមជម្រើសជាតិបារាំង ក្រោយពីបានត្រឹមជើងឯករងនៃពានរង្វាន់ FIFA World Cup 2022 កន្លងទៅមក។ មួយវិញទៀតនេះក៏ជាប្រកួតដំបូងដែលកីឡាករវ័យក្មេង Kylian Mbappe ទទួលបានឱកាសធ្វើជាប្រធានក្រុមផងដែរ។ ជាក់ស្ដែង ខ្សែប្រយុទ្ធរូបនេះក៏បានរួមចំណែក២គ្រាប់ក្នុងចំណោម៤គ្រាប់ដែលបារាំងលត់ក្រុមហុល្លង់ ៤-០ ផងដែរ។
រំលឹកថាបារាំងស្ថិតនៅពូល B នៃវគ្គជម្រុះនេះ ជាមួយក្រុមក្រិក សាធារណរដ្ឋអៀរឡង់ គ្រិលបាតា និងហុល្លង់។ ក្នុងការប្រកួតនេះដែរ ក្រុមលេខ១និងលេខ២ក្នុងពូល នឹងទទួលបានឱកាសឡើងទៅវគ្គផ្ដាច់ព្រ័ត្រនៅឆ្នាំ២០២៤ខាងមុខតែម្ដង៕