ក្រុមតោកំណាចអង់គ្លេស បានស្គាល់ជ័យជម្នះជាលើកដំបូងនៅទឹកដីអ៊ីតាលីហើយ បើគិតចាប់តាំងពីឆ្នាំ១៩៦១មក និងជាការសងសឹកបានវិញផងដែរនៅកាលពីវគ្គផ្ដាច់ព្រ័ត្រ Euro 2020 កន្លងទៅ។
Rice បើកការនាំមុខទៅលើក្រុមអ៊ីតាលីតាំងពីនាទី១៣ និងខ្សែប្រយុទ្ធ Harry Kane បន្ថែមគ្រាប់ទី២បានទៀតដោយការប៉េណាល់ទីនៅនាទី៤៤។ ក្រុមអ៊ីតាលីក្នុងដីខ្លួនឯងក៏រកបាន១គ្រាប់វិញផងដែរនៅនាទី៥៦ ដោយ Retegui ប៉ុន្តែនាទីនៅសល់ប៉ុន្មានទៀតមិនអាចមានគ្រាប់បាល់កើតឡើងនោះទេ។ ដោយឡែក១គ្រាប់របស់ Kane យប់មិញ ក៏ជាគ្រាប់បាល់ទី៥៤របស់គេឱ្យអង់គ្លេសផងដែរ និងបច្ចុប្បន្នក្លាយជាកីឡាកររកគ្រាប់បាល់បានច្រើនបំផុតឱ្យប្រទេសនេះទៅហើយ។
សម្រាប់អង់គ្លេសវិញ ក៏បានបំបែកកំណត់ត្រាអស្ចារ្យមួយសម្រាប់ពួកគេផងដែរ ពោលគឺអាចយកឈ្នះទៅលើក្រុមអ៊ីតាលីក្នុងដីបាន ជាលើកដំបូងហើយក្នុងរយៈពេល៦២ឆ្នាំមកនេះ។