ក្រុម Real Madrid បានចាក់បទ You’ll Never Walk Alone របស់ក្រុម Liverpool ដើម្បីជាការគាំទ្រនិងលើកទឹកចិត្តក្រុមនេះឡើងវិញ ក្រោយពីធ្លាក់ចេញពីពានរង្វាន់ UEFA Champions League ។
នៅជើងទី២យប់មិញនេះ ក្រុម Real Madrid បានយកឈ្នះលើក្រុម Liverpool ក្នុងលទ្ធផល ១-០ ទៀត ធ្វើឱ្យលទ្ធផលសរុបទាំងពីរជើងទៅក្នុងលទ្ធផល ៦-២។ នេះជាលទ្ធផលមិនល្អទាល់តែសោះសម្រាប់ក្រុម Liverpool ក្នុងការប្រកួតទល់ Real Madrid ព្រោះឱ្យតែប៉ះក្រុមអេស្ប៉ាញនេះ គឺក្រុមហង្សក្រហមមិនដែលទទួលបានលទ្ធផលល្អនោះទេ។
យ៉ាងណាមិញក្រោយពីចប់ការប្រកួតភ្លាម ក្រុម Real Madrid ក៏បានចាក់បទ You’ll Never Walk Alone របស់ក្រុម Liverpool វិញផងដែរ។ ដោយនេះបង្ហាញពីការលើកទឹកចិត្តដល់ក្រុមអង់គ្លេសនេះវិញ ស្របពេលកាលពីជើងទី១កន្លងទៅ Liverpool ក៏បានរំលែកទុក្ខដល់ក្រុម Real Madrid ដែលវីរៈបុរសក្លឹបឈ្មោះ Amancio ចែកឋានផងដែរ។ ដោយនេះពិតជាបង្ហាញពីកាយវិការល្អមែនទែនក្នុងវិស័យបាល់ទាត់៕