ក្លឹបនៅអ៊ីតាលីរហូតដល់ទៅ៣ទៅហើយដែលកំពុងបង្ហាញសាច់ដុំខ្លាំងនៅក្របខណ្ឌ UEFA Champions League រួមមាន Napoli , AC Milan និង Inter Milan ។
នៅយប់មិញនេះក្រុម Napoli បានយកឈ្នះលើក្រុម Frankfurt កក់កៅអីឡើងទៅវគ្គ៨ក្រុមចុងក្រោយនៃពានរង្វាន់ UEFA Champions League ហើយ។ ដោយមានមួយក្រុមនេះទៀត បានធ្វើឱ្យក្លឹបមកពីលីគ Serie A មានរហូតដល់ទៅ៣ក្រុមហើយ ដែលបានកក់កៅអីឡើងទៅវគ្គ៨ក្រុមចុងក្រោយនៃពានរង្វាន់ធំលំដាប់ទីមួយនៅអឺរ៉ុបនេះ។ ដោយ៣ក្រុមនោះរួមមាន Napoli , AC Milan និង Inter Milan ។
នេះជាលើកដំបូងផងដែរក្នុងរយៈពេល១៧ឆ្នាំចុងក្រោយនេះ ដែលក្រុមរហូតដល់៣នៅអ៊ីតាលីអាចឡើងដល់វគ្គ៨ក្រុមចុងក្រោយបាន។ ស្របពេលដែល៥ក្រុមទៀតនោះរួមមាន Chelsea, Manchester City , Bayern Munich , Benfica និង Real Madrid ៕