ខ្សែប្រយុទ្ធ Cristiano Ronaldo ទទួលបានកាតលឿងកាលពីយប់មិញនេះ ក្រោយពីរូបគេខឹងអាជ្ញាកណ្ដាលបញ្ចប់ការប្រកួតនៅតង់ទី១ ស្របពេលបាល់កំពុងសម្រុកទៅមុខនិងមានឱកាសរកគ្រាប់បាល់។
ក្រុម Al Nassr ទទួលបានជ័យជម្នះលើក្រុម Abha ក្នុងលទ្ធផល ៣-១ ក្នុងការប្រកួតពានរង្វាន់ King Cup នៅយប់មិញ និងបានឡើងទៅវគ្គពាក់កណ្ដាលផ្ដាច់ព្រ័ត្រហើយ។ តែក្នុងការប្រកួតនេះ ខ្សែប្រយុទ្ធសំខាន់ Ronaldo មិនអាចរកគ្រាប់បាល់បាននោះទេ ហើយក៏ទទួលបានកាតលឿងពីអាជ្ញាកណ្ដាលថែមទៀតផង។ កាតលឿងនោះដែរ ក្រោយពីរូបគេបានទាត់បាល់ចោល នៅពេលចប់តង់ទីមួយ។
ការទាត់បាល់ចោល រហូតអាជ្ញាកណ្ដាលផ្ដល់កាតលឿងនេះដែរ ក៏ព្រោះតែពេលនោះជាការវាយបក counter-attack និងជាឱកាសល្អក្នុងការរកគ្រាប់បាល់ផងដែរ។ តែដោយសារអាជ្ញាកណ្ដាលឃើញថាដល់ម៉ោងទៅហើយ ទើបផ្លុំបញ្ចប់តង់ទីមួយតែម្ដង។ Ronaldo មិនពេញចិត្តជាមួយការសម្រេចចិត្តនេះក៏ទាត់បាល់ចោល និងបានកាតលឿងជាលើកទី២ ក្នុងការចូលលេងឱ្យ Al Nassr តាំងពីដើមឆ្នាំនេះមកតែម្ដង៕