ខ្សែប្រយុទ្ធ Earling Haaland រកបានដល់ទៅ៥គ្រាប់ម្នាក់ឯងជួយក្រុម Manchester City យកឈ្នះលើក្រុម RB Leipzig ក្នុងលទ្ធផល ៧-០ ជើងទី២នៃពានរង្វាន់ UEFA Champions League ។
កាលពីជើងទី១កន្លងទៅ ក្រុមទាំងពីរបានត្រឹមស្មើគ្នាក្នុងលទ្ធផល ១-១ ប៉ុណ្ណោះ ប៉ុន្តែឈានដល់ជើងទី២នៅយប់មិញនេះ ក្រុម Man City សង្គ្រប់យកតែម្ដង។ ដោយគ្រាន់តែ Haaland ម្នាក់ឯងរកបានដល់ទៅ៣គ្រាប់ទៅហើយនៅតង់ទី១ និងបន្ថែមបានដល់ទៅ២គ្រាប់ទៀតនៅតង់ទី២។ ខណៈដែលចប់ការប្រកួតតែម្ដងនោះ ក្រុម Man City យកឈ្នះលើក្រុម Leipzig បានដល់ទៅ ៧-០។
ជាមួយការបន្ថែម៥គ្រាប់នៅយប់មិញនេះទៀត បានធ្វើឱ្យកីឡាករន័វែសរូបនេះរកបាន៣៩គ្រាប់ហើយឱ្យ Man City នៅរដូវកាលនេះ ឆ្លងកាត់៣៦ប្រកួត។ Haaland ក៏បានក្លាយជាកីឡាករដំបូងគេនៅ City ដែលរកបានដល់៣៩គ្រាប់ក្នុងមួយរដូវកាលផងដែរ។ ស្របពេលការប្រកួតនៅសល់ទៀត ខ្សែប្រយុទ្ធវ័យ២២ឆ្នាំនឹងអាចបង្កើតកំណត់ត្រាជាច្រើនទៀតមិនខាន៕