លោក Marco Silva ជាបេក្ខភាពទីមួយតែម្ដងក្នុងការជំនួសតំណែងរបស់លោក Antonio Conte នៅក្លឹប Spurs ប្រសិនបើមានការចាកចេញណាមួយបានកើតឡើង។
លោក Conte កាន់តែកៀកនឹងអស់កុងត្រាដឹកនាំក្រុម Spurs ទៅហើយ ខណៈដែលសម្ពាធការងាររបស់លោកវិញក៏មានច្រើនឡើងដែរ បន្ទាប់ពីក្លឹបមួយនេះធ្លាក់ចេញពីពានរង្វាន់ UEFA Champions League និង Cup នានាទាំងអស់នៅអង់គ្លេស។ អ្នកគាំទ្រចាប់ផ្ដើមមិនពេញចិត្តក្នុងការដឹកនាំរបស់លោក ហើយក៏ចង់ឃើញមានបេក្ខភាពក្នុងការមកជំនួសផងដែរ។
ប្រភពនៅអង់គ្លេសក៏បង្ហើបដែរថាក្រុម Spurs ពេញចិត្តលោក Marco Silva ដែលកំពុងដឹកនាំបានល្អនៅក្លឹប Fulham ។ ខណៈដែលកុងត្រារបស់លោកវិញក៏នឹងអស់នៅត្រឹមចប់រដូវកាលនេះដូចគ្នា ដូច្នេះវាអាចនិយាយបានថាជាឱកាសល្អមែនទែនក្នុងការនាំយកលោកមកដឹកនាំក្រុមបន្ដទៀត។ បេក្ខភាពម្នាក់ទៀត គឺលោក Mauricio Pochettino ក៏ត្រូវបានអ្នកគាំទ្រចង់ឃើញមកដឹកនាំក្រុមបន្ដដូចគ្នា៕