លោក Antonio Conte បាននិយាយយល់ស្របជាមួយខ្សែប្រយុទ្ធ Richarlison ដែលនិយាយថារដូវកាលនេះជារដូវកាលអាក្រក់បំផុតសម្រាប់គេហើយ។
ក្រោយពីមិនសូវបានលេង ហើយក្រុម Spurs ធ្លាក់ចេញពីពានរង្វាន់ UEFA Champions League ថែមទៀតនោះ ខ្សែប្រយុទ្ធ Richarlison បាននិយាយរិះគន់ទៅលើការមិនផ្ដល់ឱកាសឱ្យគេលេងពីសំណាក់លោក Conte ។ មួយវិញទៀត កីឡាករប្រេស៊ីលក៏បានចាត់ទុកថារដូវកាលនេះជារដូវកាលអាក្រក់សម្រាប់ខ្លួនផងដែរ ព្រោះមិនទទួលបានឱកាសលេងគ្រប់គ្រាន់នោះទេ។
ចំពោះរឿងនេះដែរ លោក Conte ក៏បានចេញមុខមកនិយាយដែរថា៖ “គាត់និយាយត្រូវហើយ។ រដូវកាលនេះពិតជាមិនល្អសម្រាប់គាត់មែន។ គាត់ចាប់ផ្ដើមជាមួយយើងបានល្អ បន្ទាប់មកគាត់របួស ហើយទៅលេង World Cup ត្រលប់មកវិញកាន់តែរបួសធ្ងន់ឡើង។ គាត់រកគ្រាប់បាល់មិនបានទេនៅ Premier League និងរកបានត្រឹម២គ្រាប់នៅ Champions League។ គាត់ពិតជានិយាយដោយស្មោះហើយថារដូវកាលនេះជារដូវកាលមិនល្អសម្រាប់គាត់”៕