កីឡាករ Jaloliddin Masharipov របស់ក្លឹប Al Nassr ផ្ទាល់ បាននិយាយថាវត្តមានរបស់ Cristiano Ronaldo បានជួយឱ្យក្លឹបមានប្រជាប្រិយភាព កើនអ្នក Followers ច្រើននៅលើ Instagram តែមិនមានអ្វីប្រែប្រួលក្នុងក្រុមនោះទេ។
Ronaldo ផ្ទេរទៅលេងនៅក្លឹប Al Nassr ក្នុងតម្លៃពលកម្មបំបែកកំណត់ត្រាហើយ រហូតដល់២១០លានដុល្លារក្នុង១ឆ្នាំ។ វត្តមានរបស់គេ បានធ្វើឱ្យក្លឹបនៅអារ៉ាប់ប៊ីសាអូឌីតនេះ ល្បីល្បាញ និងមានអ្នកគាំទ្រចាំតាមដានច្រើន។ តែបើសាច់នៃការប្រកួតវិញ ឃើញថា៣ប្រកួតមកនេះ Ronaldo បានលេង តែមិនសូវបានល្អនោះទេ រកបានត្រឹម១គ្រាប់ប៉ុណ្ណោះ ហើយជាបាល់ប៉េណាល់ទីថែមទៀត។
មិត្តរួមក្រុម Jaloliddin Masharipov បាននិយាយថា៖ “គ្មានអ្វីប្រែប្រួលទេនៅ Al Nassr ។ មានតែចំនួនអ្នក Followers នៅលើផេកប៉ុណ្ណោះដែលកើនឡើង និងចំនួនអ្នកចូលទស្សនាការប្រកួតក្នុងលីកក៏ច្រើនដូចគ្នា។ នៅពេលហ្វឹកហាត់ គ្រប់យ៉ាងគឺនៅដូចដើម”៕