ក្រុមបាល់ទាត់ជម្រើសជាតិអេស្ប៉ាញ នឹងត្រូវប៉ះជាមួយក្រុមអ៊ីតាលី ហើយក្រុមជម្រើសជាតិហុល្លង់ នឹងប៉ះជាមួយក្រុមក្រូអាត ក្នុងការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ UEFA Nations League។
ការចាប់ឆ្នោតនៃពានរង្វាន់ខាងលើបានធ្វើឡើងកាលពីម្សិលមិញនេះ។ ក្នុងនោះការប្រកួតនៅវគ្គពាក់កណ្ដាលផ្ដាច់ព្រ័ត្រនឹងធ្វើឡើងនៅថ្ងៃទី១៤ និង១៥ខែមិថុនាឆ្នាំ២០២៣ខាងមុខនេះដែលប្រទេសហុល្លង់នឹងធ្វើជាម្ចាស់ផ្ទះ។ ខណៈដែលក្រុមទាំង៤នេះ សុទ្ធតែជាក្រុមខ្លាំងហើយនៅអឺរ៉ុប ជាពិសេសអេស្ប៉ាញ និងហុល្លង់សុទ្ធតែធ្លាប់ឡើងដល់វគ្គផ្ដាច់ព្រ័ត្រ។
កាលពីឆ្នាំ២០២១កន្លងទៅ អេស្ប៉ាញនេះហើយដែលទម្លាក់អ៊ីតាលីនៅវគ្គពាក់កណ្ដាលផ្ដាច់ព្រ័ត្រ ប៉ុន្តែគួរឱ្យសោកស្ដាយពួកគេឡើងទៅចាញ់បារាំងនៅវគ្គផ្ដាច់ព្រ័ត្រទៅវិញ។ ស្របពេលហុល្លង់វិញ ក៏បានត្រឹមជើងឯករងដូចគ្នាក្នុងពានរង្វាន់នេះ ដោយឆ្នាំ២០១៩កន្លងទៅ ចាញ់ក្រុមព័រទុយហ្គាល់ ១-០៕