លោក Sarri អ្នកចាត់ការក្រុម Chelsea បានអរគុណដល់វត្តមានរបស់ Eden Hazard ដែលបានបន្ដលេងឱ្យក្លឹបនៅរដូវកាលនេះ បើសិនមិនមានរូបគេទេ តោខៀវប្រហែលលេងមិនល្អដូចបច្ចុប្បន្នទេ។
លេងយប់មិញនេះ ក្រុម Chelsea មិនបានដាក់ Hazard ឱ្យលេងពេញ៩០នាទីឡើយ ពោលគឺបានត្រឹមប្ដូរចូលនៅនាទី៦៤ប៉ុណ្ណោះ។ ការធ្វើដូច្នេះមកពីកីឡាករបែលហ្សិកមិនទាន់ជាសះស្បើយពីរបួស១០០% ទើបអ្នកចាត់ការមិនចង់ប្រផុយដាក់ឱ្យលេង៩០នាទី ខ្លាចរបួសកើតឡើងវិញ។ លោក Sarri បានបញ្ជាក់បន្ថែមថា Hazard ជាកីឡាករសំខាន់ក្នុងក្រុម ដូច្នេះរូបគេមិនអាចរបួសយូរឡើយ។
“ការពិតខ្ញុំមិនចង់ដាក់គាត់ចូលលេងទេយប់មិញ ប៉ុន្តែនៅពេលលទ្ធផល ១-១ នោះយើងត្រូវការមនុស្សម្នាក់ដែលអាចនាំជ័យជម្នះមកយើងបាន។ យើងត្រូវការអ្នក Assist អ្នករកគ្រាប់បាល់បាន ហើយខ្ញុំគិតថា Hazard នេះហើយ ដែលអាចជួយយើងបាន”។ សម្ដីរបស់លោក Sarri ៕ប្រភពSports
