សហព័ន្ធបាល់ទាត់អាល្លឺម៉ង់នៅមិនទាន់បណ្ដេញ លោក Hansi Flick ចេញពីតំណែងគ្រូបង្វឹកក្រុមជម្រើសជាតិនោះទេ បើទោះជាក្រុមធ្វើមិនបានល្អនៅព្រឹត្តិការណ៍ FIFA World Cup 2022 នេះក៏ដោយ។
សហព័ន្ធបាល់ទាត់អាល្លឺម៉ង់ជាអ្នកចេញសេចក្ដីសម្រេចផ្ទាល់តែម្ដង។ ពួកគេសម្រេចបន្ដផ្ដល់ទំនុកចិត្តដល់លោក Flick ក្នុងការដឹកនាំក្រុមទៀតរហូតដល់ Euro 2024 ។ ដោយពួកគេជឿជាក់ថាអាល្លឺម៉ង់អាចនឹងត្រលប់មកខ្លាំងម្ដងទៀត ក្រោយពីទទួលបានបទពិសោធល្អៗក្នុងការបរាជ័យនៅ World Cup 2022 ។ ខណៈដែលការប្រកួត Euro 2024 គឺធ្វើឡើងនៅទឹកដីអាល្លឺម៉ងផ្ទាល់តែម្ដង។ អាល្លឺម៉ង់សង្ឃឹមថាព្រឹត្តិការណ៍នេះ នឹងអាចស្រោចស្រង់កេរ្ដិ៍ឈ្មោះឡើងវិញ។
រំលឹកថាតាំងពីបានលើកពាន World Cup 2014 មក ក្រុមអាល្លឺម៉ង់លេងពានអន្ដរជាតិធ្លាក់ជើងមែនទែន។ ជាក់ស្ដែងក្នុងការលេងពានរង្វាន់ World Cup នេះ ពួកគេធ្វើមិនបានល្អទាល់តែសោះ បើទោះជាដូរគ្រូបង្វឹកហើយក៏ដោយ៕