ខ្សែប្រយុទ្ធ Neymar បានបានអះអាងថាខ្លួនតែងតែដេកយំរាល់យប់ បារម្ភពីបញ្ហារបួសរបស់ខ្លួន មិនអាចឱ្យគេបន្ដលេងនៅព្រឹត្តិការណ៍ FIFA World Cup 2022 នេះបានទៀត។
Neymar ដែលរងរបួសកជើងកាលប្រកួតទល់ក្រុមសែបនោះ បានត្រលប់មកចូលលេងវិញហើយនៅយប់មិញនេះ និងរកគ្រាប់បាល់១គ្រាប់ជួយក្រុមប្រេស៊ីលយកឈ្នះលើក្រុមកូរ៉េខាងត្បូងក្នុងលទ្ធផល ៤-១ ថែមទៀត។ ខ្សែប្រយុទ្ធវ័យ៣០ឆ្នាំរូបនេះ បានអះអាងថារូបគេលែងមានបញ្ហាឈឺកជើងទៀតហើយ ប៉ុន្តែមុនការអាចចូលទីលានបានវិញនេះ Neymar ក៏មានការបារម្ភខ្លាំងផងដែរ។
ខ្សែប្រយុទ្ធសំខាន់របស់ក្រុមប្រេស៊ីលខាងលើបាននិយាយថា៖ “ខ្ញុំខ្លាច មិនអាចចូលលេងនៅ World Cup នេះម្ដងទៀត ប៉ុន្តែខ្ញុំក៏ទទួលបានការគាំទ្រលើកទឹកចិត្តច្រើនពីមិត្តភក្ដិនិងក្រុមគ្រួសារផងដែរ។ ខ្ញុំតែងតែព្យាយាមឱ្យអស់ពីសមត្ថភាព ដើម្បីបានត្រលប់មកចូលទីលានវិញនេះ”៕