លោក Luis van Gaal គ្រូបង្វឹកក្រុមហុល្លង់បាននិយាយសរសើរក្រុមជម្រើសជាតិអាមេរិក ថាជាក្រុមខ្លាំងមួយនាពេលបច្ចុប្បន្ននេះ ក្រោយពីពួកគេអាចលេងស្មើអង់គ្លេស និងកក់កៅអីឡើងវគ្គ១៦ក្រុមចុងក្រោយនេះ។
ហុល្លង់នៅព្រឹត្តិការណ៍ World Cup នេះ ពួកគេមិនស្គាល់ចាញ់នោះទេ ដោយឈ្នះ២ប្រកួត និងស្មើ១ប្រកួត។ ស្របពេលអាមេរិកវិញ ក៏មិនចាញ់ដូចគ្នា ដោយស្មើ២ប្រកួត និងឈ្នះ១ប្រកួត។ តែបើនិយាយពីកម្រិតកីឡាករវិញ ហុល្លង់មានប្រៀបជាងអាមេរិកច្រើន ព្រោះកីឡាករពួកគេលេងនៅអឺរ៉ុបនិងក្លឹបធំៗច្រើនជាង។ តែក្នុងការប្រកួតពិតណាស់មើលមិនឃើញនោះទេ ថានរណានឹងអាចឡើងទៅវគ្គ៨ក្រុមចុងក្រោយបាន។
យ៉ាងណាមិញ លោក Van Gaal គ្រូបង្វឹកហុល្លង់បាននិយាយថា៖ “អាមេរិកជាក្រុមធ្វើបានល្អមួយ។ ខ្ញុំអាចនិយាយថាពួកគេជាក្រុមល្អក្នុងចំណោមក្រុមល្អៗដទៃទៀត ដែលបានផ្លាស់ប្ដូរយ៉ាងច្រើនក្នុងការប្រកួត World Cup នេះ។ ពួកគេមានសមាជិកក្រុមដែលមានកាយសម្បទាល្អ និងតែងតែធ្វើឱ្យគូប្រកួតពិបាកជានិច្ច។ ប៉ុន្ដែគ្មានអ្វីដែលមិនអាចធ្វើបាននោះទេ យើងនឹងធ្វើគ្រប់យ៉ាងដើម្បីឈ្នះការប្រកួតនៅរាត្រីនេះ”៕