កីឡាល្បីៗជាច្រើននាក់កំពុងតែការពារវីរបុរសអាហ្សង់ទីន Lionel Messi បន្ទាប់ពីមានជម្លោះជាមួយស្តេចប្រដាល់មុិកសុិក Canelo Alvarez។
ដែលមានដូចជា Sergio Aguero និង Santiago Ponzinibbio បានចេញមកវាយបកដើម្បីការពារមិត្តរួមជាតិរបស់ពួកគេ។
ឥឡូវនេះបុគ្គលម្នាក់ទៀតដែលជាវីរបុរសប្រដាល់អាហ្សង់ទីនក៏បានចេញមកការពារតារាបាល់ទាត់ឆ្នើមអាហ្សង់ទីនផងដែរ។
ជម្លោះបានចាប់ផ្តើមនៅពេលដែល Canelo បានចោទប្រកាន់ Messi ថាបានប្រើទង់ជាតិម៉ិកស៊ិកដើម្បីសម្អាតបន្ទប់សំលៀកបំពាក់បន្ទាប់ពីអាហ្សង់ទីនឈ្នះ ២-០ លើម៉ិកស៊ិកក្នុងព្រឹត្តិការណ៍ World Cup ២០២២។
ដែលក្រោយពីបែកធ្លាយវីដេអូហើយ Canelo បានគម្រាមកំហែងកីឡាករបាល់ទាត់អាហ្សង់ទីនដោយអំពើហឹង្សា។
មិត្តរួមជាតិ Marcos Maidana ដែលជាអតីតជើងឯកប្រដាល់ពិភពលោករូបនេះបានចូល Instagram ដើម្បីបង្ហាញការគាំទ្ររបស់ខ្លួន ដោយបង្ហោះរូបភាពខ្លួនឯងពាក់របាំងមុខរូប Messi ពេលកំពុងជក់បារី និងភេសជ្ជៈ។
ដោយគាត់បានសរសេរថា៖
“Let’s go Messi! Stands hand in hand with anyone,” ដែលគាត់ចង់មានន័យថា “Messi កំពុងរង់ចាំ Canelo” ៕
ប្រភព៖ Sportbible