ខ្សែបម្រើ Bruno រកបាន២គ្រាប់ម្នាក់ឯងជួយក្រុមជម្រើសជាតិព័រទុយហ្គាល់ យកឈ្នះលើក្រុមអ៊ុយរុយហ្គាយក្នុងលទ្ធផល ២-០ ដើម្បីទទួលបានកៅអីវគ្គ១៦ក្រុម World Cup 2022 ទៅហើយ។
ជំនួបនេះដែរ ក្រុមព័រទុយហ្គាល់មិនធ្វើឱ្យអ្នកគាំទ្រខកបំណងនោះទេ។ Bruno រកគ្រាប់បាល់នាំមុខទៅលើក្រុមអ៊ុយរុយហ្គាយបានតាំងពីនាទី ៥៤ម្ល៉េះ ហើយក៏បានថែម១គ្រាប់ទៀតនៅនាទី៩០+ ទៅហើយ ដើម្បីធានាបានកៅអីវគ្គ១៦ក្រុមចុងក្រោយតែម្ដង។ ដោយចប់ការប្រកួត ព័រទុយហ្គាល់យកឈ្នះលើក្រុមអ៊ុយរុយហ្គាយក្នុងលទ្ធផល ២-០។
រហូតមកដល់ពេលនេះ គេទើបរកឃើញ៣ក្រុមទេដែលបានកៅអីវគ្គ១៦ក្រុមចុងក្រោយ។ ៣ក្រុមនោះមាន បារាំង ប្រេស៊ីល និងព័រទុយហ្គាល់នេះឯង៕