Jamie Carragher និយាយថាគាត់ចង់ឱ្យអាហ្សង់ទីនឈ្នះ World Cup នៅប្រទេសកាតាដើម្បីឱ្យ Lionel Messi ពង្រឹងងាររបស់គាត់ជា “កីឡាករល្អបំផុតលើលោកគ្រប់ពេលវេលា”។

Messi វ័យ ៣៥ ឆ្នាំបានឈ្នះពានរង្វាន់ក្លឹប និងពានបុគ្គលជាច្រើនក្នុងអាជីពដ៏ត្រចះត្រចង់របស់គាត់ រួមទាំង Ballon d’Or ប្រាំពីរដងផងដែរ ដែលមិនមានកីឡាករណាអាចធ្វើបាននោះទេ។

វាត្រូវចំណាយពេលគាត់រហូតដល់ឆ្នាំ ២០២១ ដើម្បីឈ្នះពានរង្វាន់ធំដំបូងរបស់គាត់ជាមួយអាហ្សង់ទីន ដែលខកខានឈ្នះជាច្រើនឆ្នាំមកហើយ ដោយផ្តួលក្រុមប្រេស៊ីលនៅវគ្គផ្តាច់ព្រ័ត្រ។

ការប្រកួតបាល់ទាត់ពិភពលោកនាពេលខាងមុខនៅប្រទេសកាតាដែលចាប់ផ្តើមនៅថ្ងៃទី២០ ខែវិច្ឆិកា អាចជាឱកាសចុងក្រោយរបស់ Messi ក្នុងការឈ្នះពាននេះក្នុងនាមជាកីឡាករ។

ហើយអតីតកីឡាករជម្រើសជាតិអង់គ្លេស Carragher និយាយថាគាត់ចង់ឃើញអាហ្សង់ទីនក្លាយជាម្ចាស់ជើងឯកពាននេះ មិនមែនក្រុមអង់គ្លេសនោះទេ ដើម្បីឲ្យ Messi មានងារជាកីឡាករបាល់ទាត់ដ៏អស្ចារ្យបំផុតគ្រប់ពេលវេលារបស់ពិភពលោកដ៏ពិតប្រាកដ។

Carragher បាននិយាយនៅលើ CBS Sports ទៅកាន់អ្នកវិភាគផ្សេងទៀតដែលមាន Thierry Henry និង Micah Richards ថា “គាត់គឺជាកីឡាករល្អបំផុតដែលខ្ញុំគិតថាយើងទាំងបីនាក់ធ្លាប់បានឃើញរូចហើយ”។

“អ្នកក៏បានឃើញកីឡាករដ៏អស្ចារ្យដែលមានពីមុនមកដូចជា Pele ហើយក៏អាចជា Johan Cruyff ពិតណាស់យើងទាំងអស់គ្នាក៏បានឃើញ Diego Maradona ផងដែរ។

“ប៉ុន្តែខ្ញុំចង់និយាយថា Lionel Messi គឺជាកីឡាករដ៏អស្ចារ្យបំផុតដែលអ្នកមិនធ្លាប់បានឃើញពីមុនមកទេ។

“នោះប្រហែលជាមិនទាន់សក្តិសមគ្រប់គ្រាន់ ពីព្រោះគេគ្រប់គ្នាគិតថា គេត្រូវតែឈ្នះពានរង្វាន់បាល់ទាត់ពិភពលោក។

“ខ្ញុំ​មិន​ស្រលាញ់​អ្វីទៀត​ក្រៅ​ពី​ឃើញ​អាហ្សង់ទីន​និង​ Lionel Messi ​ឈ្នះ​ពានរង្វាន់ World Cup ទៀតនោះទេ។

“ដើម្បីពង្រឹងងារ GOAT របស់គាត់ដូចដែលខ្ញុំបានឃើញ និងនៅក្នុងភ្នែករបស់មនុស្សគ្រប់គ្នាគិតថាគាត់កីឡាករល្អបំផុតលើលោកគ្រប់ពេលវេលាពិតប្រាក៕

ប្រភព៖ Sportbible