លោក Xavi អ្នកចាត់ការក្រុម FC Barcelona បាននិយាយថាក្រុមរបស់លោកទទួលរងភាពអយុត្ដិធម៌ក្នុងការប្រកួតទល់ក្រុម Inter Milan ក្នុងពានរង្វាន់ UEFA Champions League ។
នៅយប់មិញនេះ ក្រុម Barcelona បានលេងចាញ់ក្រុម Inter Milan ក្នុងលទ្ធផល ១-០។ តែក្នុងការប្រកួតនេះដែរ មានការរិះគន់ច្រើនទៅលើការកាត់សេចក្ដីរបស់អាជ្ញាកណ្ដាល។ ដោយបាល់ប៉ះដៃ២ដង ឱ្យទៅខាង Inter Milan ម្ដង ហើយប៉ះម្ដងទៀតមិនផ្ដល់ឱ្យទៅខាងក្រុម Barcelona នោះទេ។ កត្ដានេះហើយ ទើបធ្វើឱ្យលោក Xavi តវ៉ាជាមួយអាជ្ញាកណ្ដាលខ្លាំង និងនិយាយរិះគន់ខ្លាំងមែនទែន។
អ្នកចាត់ការដែលដឹកនាំក្រុម Barcelona លេងក្រៅដី៣ប្រកួត ចាញ់ទាំង៣ប្រកួតនៅក្នុងពានរង្វាន់ UEFA Champions League រូបនេះនិយាយថា៖ “ខ្ញុំពិតជាធុញទ្រាន់ណាស់។ នេះគឺជារឿងអយុត្ដិធម៌ណាស់។ អាជ្ញាកណ្ដាលគួរតែមានការពន្យល់នៅចំណុចនេះ ខ្ញុំមិនគួរនិយាយទេ។ វាច្បាស់ណាស់បាល់ប៉ះដៃ ខ្ញុំពិតជាខឹងណាស់”៕