ក្រុម Real Madrid បានបញ្ចប់កំណត់ត្រាឈ្នះជាប់ៗគ្នារបស់ខ្លួននៅយប់មិញនេះហើយ ក្រោយពីលេងស្មើក្រុម Osasuna ក្នុងលទ្ធផល ១-១ នាពានរង្វាន់ La Liga។
ក្រុមអធិរាជស មានកំណត់ត្រាល្អមែនទែនក្នុងការប្រកួតលីគនារដូវកាលនេះដោយ៧ប្រកួតកន្លងមកឈ្នះទាំង៧ប្រកួត។ តែឈានដល់ប្រកួតទី៨នៅយប់មិញ Karim Benzema ដែលទើបជាសះស្បើយពីរបួសនោះ ទាត់ប៉េណាល់ទី១គ្រាប់មិនចូល ធ្វើឱ្យក្រុម Real Madrid លេងស្មើជាមួយក្រុម Osasuna ក្នុងលទ្ធផល ១-១ ប៉ុណ្ណោះ។ នេះក៏ជាការបញ្ចប់កំណត់ត្រាល្អឥតខ្ចោះរបស់ពួកគេផងដែរ។
ក្រៅពីនោះ ក្រុមរបស់លោក Carlo Acelotti ក៏បានរបូតកៅអីឈរនៅកំពូលតារាង La Liga ផងដែរ ក្រោយពីពួកគេមាន១៩ពិន្ទុដែរ ប៉ុន្តែចាញ់គ្រាប់បាល់ចំណេញរបស់ក្រុម Barcelona ដែលឈរនៅចំណាត់ថ្នាក់លេខ១៕