ក្រុមអ្នកមានបុណ្យ FC Barcelona បានប្រកាសពីប្រាក់ចំណេញនារដូវកាលមុន មានដល់ទៅ៩៨លានអឺរ៉ូឯណោះ ក្រោយពីពួកគេអាចស្រោចស្រង់ក្លឹបឡើងវិញបាន។
បើទោះជាមានវិបត្តិសេដ្ឋកិច្ចកើតឡើងក្នុងក្លឹបមែន ប៉ុន្តែលោក Joan Laporta ដែលជាប្រធានក្លឹបនៅតែអាចស្រោចស្រង់ក្លឹបបានវិញ តាមវិធីសាស្ត្រជាច្រើនរបស់លោក។ ជាក់ស្ដែង មុនទីផ្សារដោះដូរកីឡាករបើក លោកបានសម្រេចចិត្តកាត់ប្រាក់ខែកីឡាករនិងបុគ្គលិកបន្ថែម ហើយក៏លក់ភាគហ៊ុនផ្សាយតាមទូរទស្សន៍ផង និងលក់ភាគហ៊ុន Barca Studio ផង រហូតបានប្រាក់ជាច្រើនលានអឺរ៉ូឯណោះមកទិញកីឡាករ។ ក្លឹបនេះបានប្រកាសចំណូលនៅរដូវកាលមុន មានដល់ទៅ៨៩០លានផោនឯណោះ។
ស្របពេលកាត់ចំណាយអស់ទៅ ក្លឹប Barcelona ទទួលបានប្រាក់ចំណេញសរុប៩៨លានអឺរ៉ូ។ នេះជាការបង្ហាញពីសញ្ញាល្អឡើងវិញសម្រាប់ក្រុមអ្នកមានបុណ្យហើយ។ ការព្យាករណ៍នៅរដូវកាលនេះ ក្រុមដែលដឹកនាំដោយលោក Xavi អាចនឹងបន្ដចំណេញថែមទៀតប្រមាណជា២៤០លានផោនឯណោះ៕