ខ្សែការពារ Antonio Rudiger បាននិយាយថាខ្លួនចង់ដើរតាមគន្លងរបស់កីឡាករ Pepe នៅក្រុម Real Madrid ដោយក្លាយជាកីឡាករឆ្នើមម្នាក់ និងគ្រប់គ្នាខ្លាចរអា។
Rudiger ចូលរួមជាមួយក្រុម Real Madrid ដោយ Free Transfer ក្រោយពីរូបគេអស់កុងត្រានៅក្រុមតោខៀវ Chelsea ។ នៅដើមរដូវកាលនេះ កីឡាករអាល្លឺម៉ង់រូបនេះឃើញថាមានទម្រង់លេងល្អប្រសើរដែរ ដោយក្រុមអធិរាជសការពារបានល្អ និងមិនទាន់ស្គាល់ពាក្យថាចាញ់ឡើយ។ ជាមួយគ្នានេះដែរ ខ្សែការពារវ័យ២៩ឆ្នាំរូបនេះក៏បញ្ជាក់ទៀតថានៅក្រុម Real Madrid នេះ Idol របស់គេគឺ Pepe ដែលជាវីរបុរសក្លឹបម្នាក់។
កីឡាករជម្រើសជាតិអាល្លឺម៉ង់ខាងលើបាននិយាយថា៖ “Pepe ជាកីឡាករគំរូម្នាក់របស់ខ្ញុំនៅ Real Madrid ។ ខ្ញុំតែងតែចង់ធ្វើឱ្យបានដូចគាត់ក្នុងនាមជាខ្សែការពារម្នាក់។ ខ្ញុំតែងតែមើលវីដេអូគាត់លេងជាមួយគូប្រជែងជានិច្ច និងរៀនសូត្រពីគាត់”៕