ក្រុម FC Barcelona ចង់បានខ្សែប្រយុទ្ធ Marco Asensio ពីក្រុម Real Madrid ក្រោយពីឃើញកីឡាករអេស្ប៉ាញនេះមិនសូវបានលេងទេនារដូវកាលនេះ។
ក្រុមរបស់លោក Xavi ត្បិតតែទិញកីឡាករចូលច្រើននាក់នៅទីផ្សារដោះដូរកីឡាករកន្លងទៅមែន ប៉ុន្តែលោកហាក់មិនទាន់ស្កប់ចិត្តនោះទេ។ ដោយប្រភពនៅអេស្ប៉ាញបានអះអាងថាគ្រូបង្វឹកក្រុម Barcelona រូបនេះ ចង់បានខ្សែប្រយុទ្ធម្នាក់ទៀត។ Asensio ជាបេក្ខភាពខ្សែប្រយុទ្ធទី១ដែលក្រុមអ្នកមានបុណ្យសម្លឹងមើលនិងចង់បាននាទីផ្សារដោះដូររដូវកាលក្រោយឬនៅខែមករាដើមឆ្នាំ២០២៣ខាងមុខ។
Asensio នៅសល់កុងត្រាមិនដល់១ឆ្នាំទៀតទេជាមួយក្រុម Real Madrid ដូច្នេះហើយនេះជាឱកាសល្អសម្រាប់ក្រុមរបស់លោក Xavi ចូលខ្លួនចរចាយកកីឡាករវ័យ២៦ឆ្នាំរូបនេះមកលេងនៅ Camp Nou ហើយ។ តែយ៉ាងណាការទិញកីឡាករពីក្រុម Real Madrid អាចនឹងមិនមែនជារឿងងាយស្រួលប៉ុន្មាននោះទេសម្រាប់ក្រុម Barcelona ព្រោះក្លឹបទាំងពីរនេះកម្រទិញកីឡាករគ្នាណាស់៕