កាលពីដំបូងឡើយការបោះឆ្នោតជ្រើសរើសប្រធានក្លឹបថ្មីនៅ Barcelona គឺកំណត់នឹងធ្វើឡើងនៅថ្ងៃទី ២៤ មករា ឆ្នាំ ២០២១ ប៉ុន្តែពេលនេះបានសម្រេចលើកពេលហើយ។
ការសម្រេចនេះធ្វើឡើងក្រោយពីកិច្ចពិភាក្សារវាងភាគីក្លឹប និងអាជ្ញាធរការពារដែនដីស៊ីវិលប្រចាំតំបន់កាតាឡូញ៉ាកាលពីថ្ងៃសុក្រកន្លងទៅ។ ហេតុផលគឺដោយសារអាជ្ញាធរកំពុងរឹតបន្តឹងនៅការធ្វើដំណើរ និងបញ្ចៀសការប្រមូលផ្តុំគ្នាកំឡុងពេលមានជំងឺរាតត្បាតដូចពេលបច្ចុប្បន្ននេះ។
តាមស្ថានភាពជាក់ស្តែង ត្រូវបានគេព្យាករណ៍ថា អាចនឹងលើកទៅធ្វើឡើងនៅកំឡុងខែមិនាឯណោះវិញ។ យ៉ាងណាមិញពាក់ព័ន្ធនឹងរឿងរ៉ាវនេះ ក៏ធ្វើឲ្យផ្សាភ្ជាប់ទៅនឹងចចាមអារ៉ាមនៃការនាំយក Eric Garcia ពីក្លឹប Man City ផងដែរ ព្រោះក្លឹបក៏ទំនងជានឹងពន្យារពេលនៃការចរចានោះដូចគ្នា៕ ប្រភព៖ Sportsmole